Ираны уæлдæр лидер аятолла Али Хаменеи арвыста фыстæг Уæрæсейы президент Владимир Путинмæ, кæцыйы æвдыста йæ æнæрйгонддзинад Уæрæсейы фарсылхæцындзинады æмвæзадæй, хъусын кæны Reuters йæхи истæгтæм гæсгæ.

Журналистты информацийæ, Ираны фæсарæн хъуыддæгты министр Аббас Арагчи Мæскуымæ визиты рæстæджы йæхæдæг радта Путинæн аятолла Али Хаменейы фыстæг.

«Иран нырма дæр æнæрайгонд у Уæрæсейы фарсылхæцындзинадæй æмæ йæ фæнды, цæмæй Путин фылдæр сараза Израил æмæ АИШ-ы ныхмæ йæ бæстæйæн фарсылхæцындзинады тыххæй» – ныффыста Reuters, Ираны монон разамонæджы фыстæджы мидисимæ зонгæ анонимон истæгыл æнцойгæнгæйæ.

Уæ информацийæн, Кремлы пресс-куыстуат Путин æмæ Ираны фæсарæн хъуыддæгты министры фембæлды фæстæ информаци рапарахат кодта, кæцымæ гæсгæ Путин АИШ-ы æхстытæ Ираны ныхмæ æфхæрдта æмæ сæ æнæбындур агрессийæ схуыдта. Путины ныхасмæ гæсгæ, Мæскуы цæттæ у Тегеранæн баххуыс кæнынмæ.