Прокуратурон совет, сæйраг прокуроры æххæстбартæ рагагъоммæ фæурæды тыххæй, Гуырдзыстоны парламентмæ сæйраг прокуроры постмæ кандидаты бадæттыны процесс райдыдта, кæцы закъонмæ хаст ивæндзинæдтæм гæсгæ, 1 къуырийы æмгъуыдмæ хъуамæ фæуа. Уый фæдыл прокуратурон совет парахат кодта информаци.

Советы информацийæ, рабадтыл уæнгтæ фæныхас кодтой Гуырдзыстоны парламенты æрдыгæй Гуырдзыстоны органикон законмæ «Прокуратурæйы фæдыл» ивæндзинæдтыл, кæцытæм гæсгæ, прокуратурон советы уæнгтæ законæй снысангонд æмгъуыдмæ хъуамæ бавдисой Гуырдзыстоны парламентмæ генералон прокуроры постмæ кандидаты.

«Гуырдзыстоны «Прокуратурæйы фæдыл» органикон закъонмæ хаст ивæндзинæдтæм гæсгæ, прокуратурæйы советы алы уæнгæн дæр ис бар сæйраг прокуроры постмæ иу кандидаты раразмæ кæна. Генералон прокуроры кандидат прокуратурæйы фарсылхæцæгыл нымад цæуы, кæд æмæ прокуратурæйы советы æххæст сконды фылдæр хай йæ фарсыл рахæцдзæн.

Прокуратурон совет Гуырдзыстоны парламентмæ йæ фарсылхæцæг генералон прокуроры кандидаты бавдисдзæн.

Прокуратурон советы радон рабадт 17-æм июны сырæздзæн, цæй рæстæджы дæр советы уæнгтæ генералон прокурормæ кандидатты бавдисдзысты», – ис фыст прокуратурон советы расидæны.