Паддзахадон лæггæдты тыххæй закъонмæ ивындзинæдтæ парламент райста фыццаг æркасты, тагъддæргонд процедурæмæ гæсгæ, 82 хъæлæсæй. Уый фæдыл информаци Гуырдзыстоны парламенты пресс-куыст парахат кæны.

Докладгæнæг, барадон хъуыддæгты комитеты сæрдар Арчил Гордуладзе куыд расидтис афтæмæй, закъоны проект бæлвырд кæны бæрæг фарстатæ, кæцытæ хауынц паддзахадон уагдоны административон контрактмæ гæсгæ кусæг адæймагмæ, паддзахадон уагдоны Гуырдзыстоны паддзахадон æвзаг зонынмæ æмæ 18 азы кары уæвыны домæнтæм.

Паддзахадон службæйы тыххæй закъоны архайгæ нормæтæм гæсгæ, паддзахадон уагдоны фыццаградон структурон иуæджы разамонæг æмæ йæ хæдивæгимæ арæзт административон бадзырдтæ фесæфынц, профилон уагдоны разамонæджы бартæ куы фесæфынц, уæд. Закъоны проекты бæлвырдгонд цæуы, уæлдæр ранымад административон бадзырдтæ кæй фесæфдзысты, æмбæлон уагдоны разамонæджы бартæ куы фесæфой æмæ ацы уагдоны разамонæджы бынатмæ нысангонд адæймаджы бартæ куы райдайой, уæд.