Паддзахадон æдасдзинады  куысты  контртеррористон  центр   масштабон   специалон операцийы   фæтиуæгæн,  тæрхондоны уынаффæйы   бындурыл,  террористон организаци «Сламон Паддзахады»  фарсхæцджыты æрцахста.

Пæк-ы  информацийæ, контртеррористон  операци   иурæстæгонæй   цыппар ран ацыд,  ахсты сты  Гуырдзыстоны æхсæз æмбæстаг.

«Контртеррористон центры  Гуырдзыстоны  прокуратурæйы æмæ мидхъуыддæгты  министрады иумæйаг   мадзалы фæстиуæгæн  ссаргæ   бæлвырдгæнæнтæй  сбæрæг ис,   цæмæй фæнысангонд  гоймæгтæн уыдис цæдис  террористон  организаци Сламон паддзахады» иуæй-иу  ахадæг   лидеримæ  æмæ   йæ  сæрдариуæгæй  æндæр æмæ æндæр   хуызы  террористон   активондзинæдтæ   план кодтой  цалдæр бæстæйы.

Фæдагуырæг   архæйдтыты фæстиуæгæн  ист сты  терроистон  организацийы символикæ,  электронон  информацийы  хæсджытæ,   хæцæн æрмæг,  рæмудзæн   буарадтæ  æмæ фæдагуырдæн нысаниуæгджын æндæр æмæ æндæр бæлвырдгæнæнтæ.

Хъуыддагыл фæдагуырд   цæуы Гуырдзsстоны тугтæрхоны  барады   кодексы  328-æм   æмæ 236-æм статитæй, кæцы  сæ хъуыдыйы  дарынц  фæсарæйнаг бæстæйы  террористон организацийы  уæнгдзинад, террористон  архæйдтыты   æххуыс,  æхсæнгарзы,  хæцæн æрмæджыты æмæ  рæмудзæн буарадты  æнæзакъононæй  балхæд-бавæрын. Фæдагуырд  уадзы  паддзахадон æдасдзинады  куысты  контртеррористон  центр.

Фæнысангонд фæдагуырды  фæлгæтты,  контртеррористон   центр, ссаргæ   бæлвырдгæнæнты  бындурыд  рабæрæг кодта   террористон активодзинæдтæ æндæр æмæ æндæр   фæсарæн бæстæты территорийыл æмæ  райрæзгæ тас хынцгæйæ   информаци  оперативонæй  фехъусын кодта   партнер бæстæтæн.  Афтæма банысан кæндзыстæм, цæмæй  ацы  хъуыддаджы  фæлгæтты тугтæрхоны барадон сурын райдыдта  фæсарæйнаг  бæстæйы иу  æмбæстагы  ныхмæ,   кæцы  тæрхондоны  уынаффæйæ   æргъæвд  æрцыд  мидхъуыддгты министрады миграцийы  департаменты  рæстæгмæ  ахсты центрмæ», – хъусын кæнынц  паддзахадон æдасдзинады  куысты.