Паддзахадон æдасдзинады куысты (ПÆК) хъусын кæнынц, цæмæй иуæй-иу адæймæгтæ парахат кæнынц спекулятивон хъусынгæнинæгтæ ПÆК-ы антикоррупцион агентады хистæр инспекторы тынг уæззау мæлæты тыххæй, кæцы ноджы фæкарздæр кæны марды бинонты, хæлæртты æмæ коллегæты рыст.

ПÆК хъыг кæны йæ кусæджы амæлæты тыххæй æмæ йæ тæфæрфæс кæны йæ бинонтæн, хиуæттæн, хæлæрттæн æмæ коллегæтæн.

«Ноджы иу хатт стыр маст кæнæм нæ кусæг, антикоррупцион агентады сæйраг инспектор, Цъæкадзе Симоны мæлæты фæдыл æмæ мæсæллæ кæнæм йæ бинонтæн, хиуæттæн æмæ коллегæтæн.

Йæ амæлæт махæн у стыр трагеди æмæ зиан. Цъакадзе Симон нæ куыстуаты куыста 2015 азæй æмæ уыд аккаг, фæлтæрдджын кусæг, кæцы хицæн кодта йæ куыстыл æнувыддзинадæй æмæ бæрзонд профессионализмæй.

Ацы тынг уæззау цауы фæдыл иуæй-иу адæймæгтæ парахат кæнынц спекулятивон хъусынгæнинæгтæ, кæцытæ ноджы фæкарздæр кæнынц марды бинонты, хæлæртты æмæ коллегæты рыст.

Уæзданæй курæм алкæмæй дæр, цæмæй йæхи баурома манипулятивон хъусынгæнинæгтæй æмæ кад кæна марды мысынадæн», — банысан кодтой ПÆК-ы.

Тбилисы прокуратурæйы слестгæнæн департамент, уголовон кодексы 115-æм статьямæ гæсгæ, Паддзахадон æдасдзинады куысты антикоррупцион агентады кусæджы мæлæты фæдыл фæдагуырд райдыдта.