«Хурыскæсæн партнерад   райрæздзæнис  ранæуæггонд бонвæткы  бындурыл, кæцыйы сæйраг элемент у  экономикон  план, кæцы  17 миллиард евройы  мобилизаци скæндзæн регионы, – уый фæдыл   сыхагон политикæ æмæ ауæрæхы фарстаты  еврокомиссар  Оливер Вархей, Хурыскæсæн Партнерады   æмбæстагон дзыллæйы форумыл   райхъусын кодта.

«Ацы форум дзæбæх фадат у  æмбæлгæ рæстæджы æхсæз партнеры нæцудгæдзинад  сфидар кæнынæн.  Фæстаг азты  дæргъы Евроцæдис  фокусиргонд уыд Хурыскæсæн Партнертимæ  æмгуыстад  стынг кæныныл. Декабры  саммит ноджы иу  хатт  сбæлвырд кæндзæн  нæ  хæсист ацы амбицион  партнерады  раз.  Партнерад  райрæздзæни  ранæуæггонд  бонвæткы  бындурыл.  Еврокомисси  июлы  сбæлвырд  кодта, цæмæй фокусирдзинад  цæудзæн   сæндидзыныл, нæцудгæдзинадыл  æмæ реформæтыл.  Ацы бонвæткы  сæйраг элемент у  экономикон  æмæ   инвестицион план, кæцы  мобилизаци скæндзæн 17 миллиард евро   паддзахадон æмæ хицæн  инвестицитæн  Хурыскæсæн партнерады   регионы. Сæйраг  инвестициты пакет  кусæнуатты  æмæ  экономикон рæзынады, транспорты рапарахаты, цифрон  бастдзинады, афтæма  цъæх  æмæ цифрон  трансформаци стимулир кæндзæн. Тæфаг рапарахат кæнынæн  акæнæг  инциативæты  идентификаци кæнæм  алкæцы  партнер бæстæйæн. Уымæн уыдзæн конкретон пайда  бизнесæн  æмæ æмбæстæгтæн  иннæ  4-5 азы  дæргъы», –  райхъусын кодта Оливер Вархей.