Сомихыстоны премьер-министр Никол Пашинян  гуырдзиаг коллегæ  Гиорги Квирикашвилийы  Сомихыстонмæ фæхуыдта  æмæ  ныфс æвæры  ома  ахæм хуынд райсдзæн Гуырдзыстонæй дæр.

Уый фæдыл  Никол Пашинян Фыццаг Къаналæн  эксклюзивон интервьюйы   рæстæджы  загъта.

«Цæй  зæгъын æй  хъæуы  æз ныццæудзынæн Гуырдзыстонмæ, куыд гæнæн ис афтæ тагъд.  Афтæдæр   хонын  Гуырдзыстоны  премьер-министры  Сомихыстонмæ.  Ныфс  мæ ис, ахæм  хуынд  райсдзынæн  Гуырдзыстонæй  дæр» – расидтис  Никол Пашинян.

Гуырдзыстон-Сомихыстоны ахастыты  тыххæй  та, Никол Пашинян хъуыды кæны,   цæмæй   бæстæты  æхсæн  æмкуысткæнынад,  алы сферæйы  дæр  хъуамæ  фæарфдæр уа. Афтæма  Гуырдзыстоны   æмæ Сомихыстоны   ахастытæ  зæгъгæ æнцойæвæрд ма хъуамæ  уой   геополитикъон  æндæвдадыл.

«Гуырдзыстон у  хæлар паддзахад.  Гуырдзыстоны æмæ Сомихыстоны   ахастытæ  хъуамæ  рапарахат уа, уымæн æмæ мах  стæм  æфсымæрон  бæстæтæ æмæ  хæстæг партнертæ.  Нæ  партийы  программæйы   Гуырдзыстонæн  ис  скуыддзаггæнæг  нысаниуæг  Сомихыстонæн.

Мæнмæ гæсгæ,  нæ  ахастытæ  гео-политикъон  æндæвдадыл бындурæвæрд ма хъуамæ уа.  Хаттæйхатт  мах   ахастытæм  æндавынц геополитикъон   фактортæ  æмæ хъыгагæн, ацы  факторты  æндæвдад  алыхатт позитивон нæ вæййы.  Хаттæй-хатт нæм  вæййы  негатив дæр» –  райхъусын кодта  Никол Пашинян.

Мæнмæ гæсгæ  ахæм ахастытæ  хъуамæ æрфидар кæнæм, кæцы  геополитикъон фактортæй  уæгъдибар уыдзæн. Сомихыстон æмæ Гуырдзыстонæн кæддæриддæр  хъуамæ  уа  дыууæфарсон  комкоммæ   ахастытæ  æмæ   хъуамæ фæарфдæр кæнæм  æмкуысткæнынад   алы  сферæйы,   куыд  экономикон, афтæ  геополитикон  сферæты æмæ адæймæгты  æхсæн  ахастытæ дæр хъуамæ  фæарфдæр уа» – загъта Никол Пашинян  Фыццаг Къаналæн.

Сомихыстоны премьер-министримæ Фыццаг Къаналы   эксклюзивон  интервьюйы  æххæст версийы  фендзыстут  «Моамбейы» 21:00  сахаты  рауагъды.