Сомихыстоны суверенон территорийы 60-70 проценты Баку хоны «Ныгуылæн Азербайджан», æмæ махæн ацы фарст дискуссион нæу, – уый фæдыл Турчы медийы минæвæрттимæ фембæлды рæстæджы фехъусын кодта Сомихы премьер-министр Никол Пашинян.

Никол Пашиняны ныхæстæм гæсгæ, «Ныгуылæн Азербайджан» нæй Сомихыстоны территорийыл, æмæ кæд искæй фæнды Ныгуылæн Азербайджан ссарын, уæд уыдон сты: Казахъхъы, Агстафийы, Келбаджары, Лачины, Зангиланы, Губадлийы регионтæ.

Сомихыстоны премьер-министры ныхасмæ гæсгæ, Азербайджан снысангонд фарстайæ пайда кæны территорион претензитæн.

Никол Пашиняны ныхæстæм гæсгæ, «Зангезуры къæлидор» кæй хонынц, уыцы дискурс Сомихыстонæн æнæрайсгæ у уыцы иу аххосагæй, уымæн æмæ дзы ис территорион претензитæ РХИ-йы ныхмæ дæр.

«Кæд æмæ дзырд цæуы транспортон æмæ экономикон коммуникацитыл, уæд æргом стæм æмæ зæгъæм, цæмæй о, цæттæ стæм, ныридæгæн куыд загътон, суверенитет, территорион æнæхъæндзинад, юрисдикци æмæ бæстæты æмдзу кæныны уавæрты регионалон, транспортон æмæ экономикон коммуникациты блокирдзинад аиуварс кæнынмæ». Æмæ зындзинæдтæ кæй ис, уый æмбаргæйæ, зæгъæм, цæмæй цæттæ стæм цавæрдæр хуымæтæгдзинæдтæм, цæмæй уый реалондзинад суа æмæ сарæзтам конкретон фæндон æфсæнвæндаджы лæггæдтæ сног кæныны тыххæй, æнхъæлмæ кæсæм дзуаппмæ Азербайджанæй. «Абон æз зæгъын, цæмæй райстам ахæм фæндон, кæцы æрлæууын кæндзæн æфсæнвæндагон уаргъты ласт Ныгуылæн Азербайджанæй Нахичеванмæ Сомихы территорийыл», – райхъусын кодта Никол Пашинян.