Апрелы мæ хи мæ куыстæй сисдзынæн – загъта Сомихыстоны премьер-министр, Никол Пашинян Армавиры районы фарсхæцджытимæ фембæлды рæстæджы. Пашиняны визиты æвдисæг видео йæ фейсбук фарсыл æрцыд публикацигонд.
«Апрелы мæ куыстæй мæ хи сисдзынæн . Цæмæй ацæуон уый тыххæй нæ, фæлæ уый тыххæй цæмæй ацæуа уæлрадон æвзæрстытæ. Ацы рæстæджы уыдзынæн премьер-министры хæстæ æххæстгæнæг»- райхъусын кодта Пашинян.
Уыимæ имæ паремьер-министр райхъусын кодта, цæмæй хицаудзинад адæтдзæн, кæд йын æвзæрстгæнджытæ не схъæлæс кæндзысты уæд.
Уæлрадон æвзæрстытæ Сомихыстоны 20 июны хъуамæ ацæуа. Ацы рæстæгмæ Пашинян премьер-министры хæстæ æххæстгæнæг уыдзæн. Æвзæрстыты фæстæ парламент хъуамæ сывзара норг хицауады сæргълæууæг. Кæд дыууæ туры фæстæ дæр иунæг кандидат дæр нæ рымбырд кæндзæн хъæугæ бæрцæй хъæлæстæ, уæд парламент ныппырх уыдзæн.
Оппозици Пашиняны куыстуæгъд домтта ноябрæй, уый йæ къух куы бафыста Уæлхох Къарабахы хæстон архæйдтæ фæурæды фæдыл бадзырдыл.