Николь Пашинян æмæ Ильхам Алиев сразы сты сабырад æрфидар кæныны къахдзæфтæ комкоммæ дыууæфарсон контактты фæрцы адарддæр кæныныл
Шанхайы æмгуыстады организацийы (ШÆО) саммиты фæлгæтты, Сомихыстоны премьер-министр Никол Пашинян Бишкекы Азербайджаны президент Ильхам Алиевимæ фембæлд. Фембæлды рæстæджы Пашинян æмæ Алиев бахахх кодтой 2025 азы 8 августы Вашингтоны сабырадон саммиты историон нысаниуæг, АИШ-ы президент Дональд Трампы раз премьер-министр Никол Пашинян æмæ президент Ильхам Алиев бафыстой Иумæйаг декларацийы, æмæ Сомихыстоны æмæ Азербайджаны Республикæты æхсæн Æхсæнпаддзахадон ахастыты æрфидар кæныны фæдыл бадзырды парафир кæныны тыххæй.
Азербайджаны нефты продуктты экспорт Сомихыстонмæ, хоры æмæ æндæр товартæ æртыккаг бæстæтæй Азербайджаны уылты Сомихыстонмæ транзит, дыууæ бæстæйы ‘хсæн базарадон ахастытæ сфидар кæнын банысан кодтой куыд сабырад сфидар кæныны ахсджиаг практикон равдыстытæ.
Паддзахады сæргълæуджытæ ма хорзыл банымадтой сæ бизнес-æхсæнадты ‘хсæн бастдзинæдтæ æмæ кæрæдзийæн пайда чи хæссы, ахæм экономикон, базарадон æмæ энергетикон æмархайд дарддæр рауæрæх кæныны гæнæнты тыххæй кæрæдзийæн хъуыдытæ радтой.
Фæрстæ банысан кодтой æмбæлон паддзахадон къамисты ахсджиаг роль Сомихыстон æмæ Азербайджаны æхсæн паддзахадон арæны делимитаци æмæ бахахх кодтой дыууæ бæстæйы æхсæн цы бадзырдтæ арæзт æрцыд, уыдонмæ гæсгæ сæ куыст адарддæр кæныны ахсджиагдзинад.
Паддзахадты сæргълæуджытæ æруынаффæ кодтой дарддæры практикон къахдзæфтыл, кæцытæ баст сты Вашингтоны сабырадон саммиты иуæй-иу ахсджиаг фæстиуæг – «Трампы фæндаг» (TRIPP) реализациимæ, æмæ бахахх кодтой йæ фæлгæтты проектты бастдзинады ахсджиагдзинад.
Разамонджытæ хорзыл банымадтой парламентаритæ æмæ æмбæстагон æхсæнады минæвæртты хайадистæй æууæнкдзинад æвзæрынгæнæг контакттæ æмæ банысан кодтой сæ хайбавæрд кæрæдзийыл æууæндындзинады фидар кæнынмæ æмæ уæрæхдæр сабырадон боны фæткæн æххуыс кæнынмæ.