NDI – Рафарст æмбæстæгты 76% разы сты Евроцæдисы уæнгсуæвынимæ, НАТО-йы уæнгсуæвынимæ та разы кæнынц 69 процент
NDI – Рафарст æмбæстæгты 76% разы сты Евроцæдисы уæнгсуæвынимæ, НАТО-йы уæнгсуæвынимæ та разы кæнынц 69 процент

Европаг æмæ евро-атлантикон  цæдисты  ныхмæ  дезинформацийы  кампанитæм æнæкæсгæ,   Гуырдзыстоны цæрджытæ  фæстæмæ æнæдызæрдæгæй разы  сты  Евроцæдис æмæ НАТО-мæ интеграциимæ, –  уый  фæдыл  банысангонд у  националон-демокративон институты (NDI)  иртасæны.

Иртасæнмæ гæсгæйæ,   Евроцæдисы  уæнгсуæвынимæ разы сты  рафарстуæвджыты  76%, æрмæст  НАТО-йы  уæнгсуæвынимæ та 69%. Евроцæдисы  уæнгсуæвын нæрайсгæйыл нымайынц  рафарстуæвджыты  аст  процент, æрмæст НАТО-йы  уæнгсуæвын та – 11%.

Афтæма 18-æй  34 азы онг кары  рафарстуæвджыты  66% хъуыды кæнынц, цæмæй Гуырдзыстон  фылдæр пайда фендзæн   Европаг æмæ  Евро-атлантикон  интеграцийæ (Евроцæдис æмæ НАТО-йы  уæнгсуæвынæй),   афтæма  разы  сты  35-æй  54 азы онг кары  рафарстуæвджыты 59%,  55 азæй хистæрты æхсæн та  – 53%.

18-æй 34 азы  онг кар  рафарстуæвджыты  авд процент æнхъæлынц, цæмæй   Гуырдзыстон фылдæр пайда  фендзæн,  кæд æмæ Уæрæсеимæ  ахастытæ æрбиноныг кæныныл  бæсты, нæзагъд ракæндзæн  европаг æмæ евро-атлантикон   интеграцийыл,  афтæ хъуыды кæнынц  35-æй  54 азы онг кары  11 процент, 55 азæй  хистæртæй та -14 процент.

Иртасæн 26-30  июны периоды Гуырдзыстоны масштабæй  1,550  телефонæй интервьюйы  минæварадон  равзæрсты бындурыл  бæстæйы æххæстаздзыд  цæрджыты æхсæн   ацыд.   Рæдыды астæуккаг  арæн у +/- 2  процент.