Гуырдзыстоны националон банкъы президент Натиа Турнава Гуырдзыстоны номæй æппæтдунеон валютон фонды (ÆВФ) æмæ Сау денджызы базарадон æмæ рæзынады банкъы губернаторæй, афтæ дæр Гуырдзыстоны хицауады указæй, Европæйы реконструкцийы æмæ размæцыды банкъы (ЕBRD) ивæг фæткдæттæгæй снысан ис.

Æмбæлон уынаффæ бафыста Гуырдзыстоны премьер-министр, Ираклий Къобахидзе.

Натиа Турнава Гуырдзыстоны националон банкъы президентæй ацы азы 7-æм февралы снысан ис. Уый 2023-æм азы июнæй Гуырдзыстоны националон банкъы фыццаг вице-президенты æмæ президенты хæстæ æххæстгæнæджы бынæтты куыста. Национ банчы советы уæнг у 2022 азæй фæстæмæ.

Натиа Турнава йæ дæсныйадæй у экономист, ис ын Тбилисы паддзахадон университеты экономикæйы докторы къæпхæн, æмæ Стыр Британийы Камбрийы университеты бизнес-администрацийы магистр. Ахуыр кодта Гарварды университеты Джон Ф. Кеннедийы номыл хицауады скъолайы, Иумæйаг Венæйы институты (JVI) æмæ æндæр уагдæтты. Уыд Тбилисы цалдæр уæлдæр ахуыргæнæндоны лектор.

Банысанкæнинаг у, цæмæй Натиа Турнава ссис Гуырдзыстоны националон банкъы историйы фыццаг сылгоймаг, кæцы президенты пост ахста.

Информаци парахат кæны националон банкъ.