Гуырдзыстоны националон банкъы делегаци Азербайджаны республикæйы централон банкмæ бабæрæг кодта. Визиты фæлгæтты Гуырдзыстоны националон банкъы президент Натиа Турнава æмæ Азербайджаны республикæйы централон банкъы президент Талех Казимовы æхсæн фембæлд сырæзт.

Националон банкъы информацимæ гæсгæ, фарсытæ æхцайы политикæйы æмæ централон банкъы архайды къуымæй регионалон æмкуыстдзинад фæтыхджындæр кæныны фарстатыл фæныхас кодтой. Ныхас уыд регионалон макроэкономикон уавæр, финансон сектор æмæ геополитикон факторты æндæвдад æхцайы политикæйыл.

Дыууæ бæстæйы централон банкъы минæвæртты æхсæн фембæлды ныхас цыд бæстæты æхсæн финансон лæггæдты размæцыды фадæттæм, уыцы нымæцы трансгранон фиддонты эффективондзинад фæбæрзонддæр кæныны фарстатæм. Гуырдзыстоны националон банкъ ацы рæстæгмæ кусы фиддонты инфраструктурæйы модернизацийыл, цæмæй тагъддæр æмæ эффективондæр уа. Адон сты дыууæ ахсджиагдæр проекты: RTGS системæйы рацарæзт æмæ æвæстиат фиддонты системæйы æрбаконд. Фæрстæ бадзырдтой æмгуыстады фæлгæтты фиддонты фадыджы æмкуыстдзинады фадæттæ сбæрæг кæнын, цæмæй фæкъаддæр уой транзакцийы хæрдзтæ æмæ фæбæрзонддæр уа эффективондзинад.

Фембæлдыл фарсытæ афтæдæр фæныхас кодтой финтехы секторы регионалон æмгуыстадыл. Зæгъын хъæуы уый, æмæ фæстаг азты дыууæ бæстæйы дæр нысаниуæгджын къахдзæфтæ кæй сарæзтой инновациты райрæзты æрдæм. Фембæлды куыд банысан кодтой, афтæмæй дыууæ бæстæйы централон банкты æхсæн æмархайд фæарфдæр кæнын фæахъаз уыдзæн финансон лæггæдты рæзты ног къæпхæнмæ рахизынæн. «Фембæлды фæстæ Натиа Турнава æмæ Талех Казимов бафыстой æмгуыстады фæдыл меморандум», – ис фыст рапарахатгонд информацийы.