Гуырдзыстоны экономикон активондзинад 2018 азы  фыццаг æрдæджы   нысаниуæгджынæй райрæзтис æмæ   развæлгъау бæрæггæнæнтæй,  фыццаг фондз мæйы мидæг  реалон рæзынад  аххæссыд  6.1 процент,   кæцы   прогнозиргондæй   бæрзонддæр у –  хъусын кæнынц  Гуырдзыстоны Националон Банчы (ГНБ).

Уыйимæ иумæ ма,  банкъы  æмбарынгæнæнтæм гæсгæйæ,  хцайæ æрвитæггæгты  æмæ  кредитты рæзынад   ахъаз  у  мидæгон æркуырды  фæхуыздæрæн дæр.  Фæстиуæгæн,  Националон Банкъ 2018 азы,  экономикон  рæзынады  прогноз  фæфылдæр кодта 5.5 проценты  онг.

ГНБ-ы  информацийæ,   позитивон   тенденцитæ  дарддæр кæнынц  æддæ  секторы дæр.    Бæрзонд темпæй  рæзы   базайраджы экспорт – 28 процент æмæ  туристон æфтиæгтæ – 24 проценты.   Афтæдæр   дарддæр кæны   хцайæ  æрвитæггæгты  æвæрццаг   динамикæ дæр –  афæдзон зилдух  æххæссы   18 процентмæ.   Фæлæ   банкъаринагæй  батагъддæр ис   импорты рæзынады темп  дæр –  23 процент.

Афтæма,   Гуырдзыстоны Националон Банчы    монетарон политикæйы  комитет  абон   рефинансирдзинады  мыздæвæрды  25 базон пунктæй  фæкаддæры фæдыл  уынаффæ  рахаста,  монетарон  политикæйы   мыздæвæрд у  7.0 процент.