Медиа-сæрибардзинады коалицийы уæнг 14 бæстæйы минæварадтæ Мзиа Амагълобелийы фæдыл иумæйаг расидæн парахат кæнынц. Уый фæдыл Гуырдзыстоны Стыр Британийы минæварад социалон хызагы рапарахат кодта.

Расидæнмæ гæсгæ, 14 коалицийы уæнг бæстæйы минæварад тыхстдзинад сиды Батумелеби æмæ Нетгазетийы бындурæвæрæг Мзиа Амагълобелийы уавæры фæдыл.

«Медиа сæрибардзинады коалицийы уæнгтæ иттæг тыхст сты Мзиа Амагълобелийы уавæрæй, кæцы ныр 19 боны дæргъы æххормаг забастовкæйы ис. Европæйы советы адæймаджы барты комиссар куыд банысан кодта, афтæмæй йæ развæлгъау ахст æнæбындурон у. Уый у Гуырдзыстоны журналистты тæрсын кæныны ноджы иу тыхстгæнæг цæвиттон, кæцы арæн кæны медийы сæрибардзинад æмæ ныхасы бар. Мзиайы æвæстиатæй хъуамæ ссæрибар кæной æмæ йæ хъуыддагмæ æркæсой» – ис фыст фидиуæны.

Фидиуæныл къухтæ æрфыстой минæварадтæ: Австри, Чехи, Дани, Эстони, Франц, Германи, Латви, Литва, Нидерландтæ, Норвеги, Швеци, Швейцари, Иугонд Паддзахад æмæ Украинæ.