Минскъы радон антихицауадон акци цуы. Информацийы хъусын кæны бынæттон медиа. Сæ хъусинагæй Белорусы сæйраг горæты æндæр æмæ æндæр сыхты демонстранттæ æмбырд кæнын сæумæрайсомæй райдыдтой. Параллелонæй уынгты мобилизацигонд сты барадхъахъхъæнджытæ. Афтæдæр ракодтой спец-техникæ.
Прортестон маршы организаторты дзырдæй, акцийы номхуынд у «Марш фашизмы ныхмæ».
Ахæлиугонд хъусинагæй, акцийы райдайыны размæ æхгæд уыд дæс метростанц æмæ куылымпыйæ кусынц мобилон æмæ интернетбастдзинад.
Белорусы оппозицийы лидер, Светлана Цихановская æрсидтис æмбæстæгтæм, протестон акциты хайдисджытæм баиу уой. «Сæ фарс хæцын алкæмæн, чидæрридæр уынгтæм рацæудзæн, сæхи кæртмæ рацæудзысты æмæ тезгъо кæндзысты сæ сыхы. Алкæцы къахдзæф нæ сæрибар æмæ рæстаг Белорусы æрдæм акæндзæн» райхъусын кодта Цихановская.
Афтæма оппозиционер Белорусы специалон нысаниуæгы тыхты æмæ организацигонд фыдракæндимæ тохы сæйраг уагдоны схуыдта «Террористон организацийæ».
Белорусы протестон акцитæ 9 августы ацæугæ президентон æвзæрстыты фæстæ нæ лæуынц, кæцыйы уæлахизгонлдыл ЦÆК фæдфæдыл æхсæзæмæ хатт банымадта Александр Лукашенкойы.