Михеил Саакашвилийы  фарсхæцджытæ  Украинæйы  президентмæ  æрсидтысты 18 февралмæ, барвæндæй  суæгъд кæна йæхи  президенты постæй,   æндæр цауы та, масштабон   протестон  рацыдтæй  æртъхъирæн кæнынц.

Радайы депутат  Юрий  Деревянко  абоны митингы  резолюци бакастис.   Йæ ныхæстæм гæсгæ,  Украинæйы  президентмæ  18 февралмæ æнхъæлмæ кæсынц   Майданыл  æмæ уымæй домынц барвæндæй  суæгъд кæна йæхи  президенты постæй.

Михеил Саакашвили  Европæйы  фæзыл   уагъд  акцийы  куыд банысан кодта, афтæмæй  18  февралы онг альтернативон  хицауады  æмæ президенттæм  цалдæр дæсой кандидаты раразмæ кæндзысты.

Йæ ныхæстæм гæсгæ, 18 февралы  Украинæйы  алы ставд   сахары  протестон  рацыдтæ  сырæздзæн.  Уый акцийы   хайадисджытæм  æрсидтис,  цæмæй сæ алчидæр  семæ ракæной фæйнæ адæймагдемонстрацимæ.   Михеил Саакашвилийы ныхæстæм гæсгæ,    ныр постæй  хи суæгъд кæнынæй  Украинæйы президент   йæхи бахиздзæн   тугкалдæй æмæ   мидхæст райдайынæй,  фæлæ   президент Порошенко зæгъгæ,  дарддæр кæны репресситæ æмæ æнæзакъонон архæйдтытæ.  «Æфхæрд уыдзæн тынг карз» зæгъгæ.

Дзырдæу ралæуд  Одессæй раздæры губернатор  фæстаг рæстæджы  Донбасы  фæмардуæвджыты нæмтты ранымадæй  райдыдта æмæ йæ  койæн минутон æнæсдзырдæй  скад кодта.

Михеил Саакашвилийы  ныхæстæм гæсгæ,  Хрещатикыл,  цы ран  «Ног тыхты  Змæлды»  цыд   хъуамæ сырæзтаит,    президенты барамындæй,  æфсæйнаг   конструкцитæ æмæ сценæ сæвæрдтой.

Рауагъдад «Украинская Правда»-ы  бæрæггæнæнтæй,  Михеил Саакашвилийы  организацигонд маршы 10 мины  онг адæймаг иста хайад.