Украинайы Интерполы къухдариуæггæнæгæй снысан ис Зураб Адеишвили, Украинæйы хихъахъæнады министры уынаффæгæнæгæй снысан ис мæ хæстон æмгар Гога Цхакая, цыбыр дзырдæй, Уæрæсейы уацары æрмæст æз баззадтæн – уый фæдыл социалон хызагы фыссы Гуырдзыстоны раздæры президент Михаил Саакашвили.

Йæ ныхасмæ гæсгæ, Зураб Адеишвили йæ ног бынатыл кусдзæн Украинæйы фæсарæнтæй фыдгæнджыты ахст æмæ экстрадицийы æрдæм.

«Адеишвили Зураб Генералон прокуратурæйы къордæн къухдариуæг кодта, кæцы Украинайы территорийыл уæрæсейæгты æрдыгæй арæзт фыдракæндты фæдыл факттæ æмбырд æмæ документгонд уыд.Йæ ног бынаты Зураб архайдзæн Украинæйы фыдракæндты аххосджынты ахст æмæ сæ фæсарæнтæй рласын, афтæ дæр Украинæйы территорийыл фæсарæйнаг фыдракæндты аххосджынты агуырд.

Уымæй дарддæр ма мæ бирæазон æмбал æмæ сеппæтæй агрессивон адæймаг Гога Цхакайайы снысан кодтой мæ хæлар, Украинæйы хъахъхъæнынады министр Михаил Федоровы уынаффæгæнæгæй. Уый уæлдай ахсджиаг у ныр, Украинæйæн фронты æнтыстытæ кæй ис, уый тыххæй.

Украинайы националон антикоррупцион бюройы къухдариуæггæнæг, Семен Кривонос, кæцы фондз азы дæргъы уыд мæ командæйы уæнг Киевы æмæ Одессæйы, æнтыстджынæй дарддæр кæны йæ куыст», – фыссы Саакашвили.