Гуырдзыстоны  раздæры президент  Михеил Саакашвилийы Ереваны паддзахадон университеты  цытджын докторы  номæй фæцух кодтой. Уый фæдыл  «Фейсбукы» фарсыл  ныффыста  Сомихыстоны  ахуырады æмæ культурæйы  министр Араик  Арутюнян.

«Ереваны университеты  зонадон  совет Саакашвилийы  цытджын номæй фæцух  кæныныимæ  æмхъæлæсонæй сразы ис», –  фыссы Сомихыстоны  ахуырады æмæ кульурæйы министр Араик Арутюнян.

Гуырдзыстоны раздæры  президент  Украинайы  реформæты  советы  æххæстгæнæг   комитеты  сæрдар, Михеил Саакашвили  райхъусын кодта, цæмæй   Уæлхох Карабах у Азербайджаны  Республикæйы  суверенон территори æмæ уый  ницы  фæивдзæн. Афтæма  йæ ныхæстæм æгсгæ,   зæгъгæ алчи,  кæйдæриддæр ацы  регионæй  расырдтой,  ис сæм  бар  сæ   хæдзæрттæм æрыздæхын, æмæ   ацытæккæ уым чи цæры  уыдонæн  ты ис бар   сабырæй адарддæр кæной сæ  цард.