Абоны митингы адæмы нымæц ахсджиаг у, фæлæ хъысмæтхæссæг нæу. Ноджы нысаниуæгджындæр у акциты æнæфæцудгæдзинад, ныхмæлæуды гъæд æмæ организаторты принципон ахаст, – уый фæдыл социалон хызагы фыссы Гуырдзыстоны раздæры президент, Михаил Саакашвили.

Саакашвили куыд банысан кодта афтæмæй, «26-æм октябры æвзæрстыты, бæстæйы мидæг æмæ æддейæ баст æхсæнад æххæстæй рацыд фæлварæн, хæдорганизацийы диссæгтæ æвдисгæйæ».

«Ныртæккæ адæм тынг мæсты кæнынц. Ацы маст тыхджын протестон змæлдмæ рауайдзæн æви нæ, уый аразгæ у политикон спектры æмæ æмбæстагон секторы къухдариуæгад æмæ æмдзуæй. Дунейы алкæмæн дæр, кæцы Гуырдзыстонмæ кæсы, иуæй дис кæны æвзæрстыты давыны ныфсхастæй, иннæмæй та æнхъæлмæ кæсынц, уыдзæн æви нæ гуырдзиаг адæмæн ныхмæлæуды хъомыс. Уымæй аразгæ у нæ фарсхæцынад. Æмткæй райсгæйæ, афтæ у, нæ фидæн бынтондæр нæ къухты куы вæййы, уæд. Мах иууылдæр хъуамæ æмбарæм, цæмæй æрмæст æвзæрстытæ нæ адавтой, фæлæ ма Гуырдзыстоны сырæзт диктатурæ дæр, кæцы ныр зæрдиагæй æнхъæлмæ кæсы, цæмæй гуырдзиæгтæ «ног реалондзинадмæ» сахуыр уой æмæ уый фæстæ фæнд кæны æппынфæстагмæ баззайæг сæрибардзинæдтæн кæрон скæнын æмæ массон æххæст кæнын репресситæ. Афтæ дæр цæттæ цæуы Гуырдзыстоны стыр этникон сыгъдæгдзинад, ноджы иу милуаны онг адæймаг тыхбын кæны бæстæйæ ацæуын. Бирæ рæстæг нæм нæй. Кæй зæгъын æй хъæуы, мах дæр хъæуы фæразондзинад, фæлæ фæразондзинадæй фылдæр хъæуы агрессивон ныхмæлæуд ныридæгæн сфидаргонд дэ-факто диктатурæйы ныхмæ. Хъуамæ тох кæнæм цалынмæ гæнæн ис æмæ уый фæстæ цас хъæуы!», – фыссы Михеил Саакашвили.