Нæ архайдтытæ сты хъуыдыджын, рационалон æмæ дæргъвæтин. Европарламентартæ, хицæн бюрократтæ æмæ хицæн фæсарæйнаг хъуыддæгты министртæ халынц демократон уагæвæрдтæ. Æвзæрстыты агъоммæ митингты сæ хъыгдард у æнæрайсгæ, уымæн æмæ мах зонæм, кæцæй æндæвдад æвзæрын кæнынц ацы процесстæ æмæ чи лæууы йæ фæстæ, уый тыххæй дæр нæ бон у ныхмæлæуд. «Ныфс нæ ис, цæмæй реалполитикæ æмæ объективондзинад æрыздæхдзæн», – расидтис Гуырдзыстоны президент Михаил Хъавелашвили швейцариаг рауагъдад Neue Züricher Zeitung-имæ интервьюйы.

Афтæ дæр президент фæныхас кодта æмбæстæгты æнæрайгонддзинад æмæ протесты тыххæй, банысан кодта, цæмæй хицаугæнæг командæ цæттæ у Евроцæдисимæ бадзырдтæ сног кæнынмæ, конкретон бизнес-фарстатæ куы фæзындзæн, уæд.

«Кæй зæгъын æй хъæуы, ацы реалондзинад нæм ис Тбилисы, фæлæ æнæ нæ рационалон къахдзæфтæй уавæр ноджы фыддæр уыдаит. Хæстæй нæхи бахызтам». Мах баурæдтам бадзырдтæ Евроцæдисимæ, уымæн æмæ нæ нæ фæндыд Брюсселы  дæлбар уæвын, уымæн æмæ уыцы домæнтæ бадзырдты бын не сты. Бæлвырд хъуыддагон фарстатæ куы сæвзæрынц, уæд цæттæ стæм бадзырдтæ сног кæнынмæ. «Уый тыххæй дæр загътон, цæмæй уый у искусственон, сæ фæнды протестон митингты фæрцы революцион процесстæ провокаци кæнын», – расидтис Хъавелашвили Михаил.

Уымæй дарддæр ма, президент куыд банысан кодта афтæмæй, куыддæр æрлæууой  интервенцитæ, афтæ æнæмæнгæй сырæздзæн дискусси, цы æрхæсдзæн Европæ Гуырдзыстонæн æмæ цы æрхæсдзæн Гуырдзыстон Европæйæн.

«Куыддæр æрлæууой искусственон интервенцитæ, афтæ æнæмæнгæй ауадздзыстæм дискусси, цы æрхæсдзæн Европæ Гуырдзыстонæн æмæ цы æрхæсдзæн Гуырдзыстон Европæйæн». Æмбаргæ оппозици нæм куы уаид, уæд растдæр ацы фарстыл æруынаффæ кæниккам нæ æмбæстæгтимæ. Мæ  фæлтæрддзинад Швейцарийы мын æвдисы, куыд ныхас цæуы æнгæс темæтыл», – расидтис Кавелашвили.

Президенты расидæнмæ гæсгæ, гуырдзийæгтæ сæхи уникалондзинад ма хъуамæ ныууадзой æмæ æрмæст европæйæгтæ ма хъуамæ уой.

— Уый у нæ райгуырæн бæстæ, не æвзаг æмæ нæ чырыстон уырнынады тыххæй. Гуырдзиæгтæ бæттынц уæвынад æмæ уырнындзинад. Гуырдзыстонæн йæ бон нæ уыд æнæ æвзаг æмæ динæй баззайын. Мах бирæнымæц адæм не стæм, фæлæ алыхуызондзинад у нæ ныхас. Мах хъуамæ ма ныууадзæм нæ хицæндзинæдтæ æмæ ма хъуамæ уæм æрмæст европæйæгтæ», – райхъусын кодта Михеил Хъавелашвили.