Гуырдзыстоны президент Михеил Хъавелашвили ахæстоны уæвæг политиктæм сиды, цæмæй ныххатыр кæной, сбæлвырд кæной сæ фæндон æвзæрстыты хайад райсын æмæ æвæстиатæй рахæсдзæн ныххатыр кæныны акт.

Уый фæдыл президент Хъавелашвилийы расидæны ис фыст.

«Растдæр æртæ мæйы фæстæ, 2025-æм азы 4-æм октябры сырæздзæн бынæттон хиуынаффæйады æвзæрстытæ, кæцыты Гуырдзыстоны цæрджытæ æвзардзысты 64 муниципалитеты мэрты æмæ советты.Нысаниуæгджын у, цæмæй алы политикон партитæ, кæцытæ сты регистрацигонд Гуырдзыстоны закъондæттынадмæ гæсгæ æмæ сидынц фæндон хайад райсын æвзæрстыты. Уый дæр нысаниуæгджын у, цæмæй æппæт ацы æвзæрстыты æххæстæй хайад райсой. политикон партитæн сæ бон у æххæстбарджын æвзарæн кампани ауадзын.

Æхсæнад куыд зоны, афтæмæй цалдæр политикон партийы конкретон лидертæ Гуырдзыстоны закъондæттынадмæ гæсгæ ахæстоны æххæст кæнынц тæрхон. Ацы уавæртæ хынцгæйæ, æз фæндон хæссын, цæмæй æппæт æмбæлон тæрхонгонд политиктæ мæм æрбадзурой ныххатыр кæныны тыххæй æмæ сбæлвырд кæной сæ фæндон æвзæрстыты хайад райсын уыцы иу куырдиатæй. Ахæм куырдиат куы æрцæуа, уæд æз æвæстиатæй рауадздзынæн акт æмбæлон тæрхонгондтæн ныххатыр кæныны фæдыл» – ис фыст Хъавелашвилийы расидæны.