Гуырдзыстоны  мидхъуыддæгты министрады  миграцийы  департаменты  кусджытæ, «фæсарæйнæгты  æмæ æмбæстагад кæмæ нæй   уыцы  уæнгты  барадон  уавæры  фæдыл»  Гуырдзыстоны  закъонмæ гæсгæйæ,  ивгъуыд къуырийы   æндæр æмæ æндæр бæстæйы  33  æмбæстагы  бæстæйæ феддæдуар кодтой.  Информаци уый  фæдыл Гуырдзыстоны  мидхъуыддæгты министрад хъусын кæны.

Уагдоны информацийæ, фæсарæйнаг æмбæстæгты  хай Гуырдзыстонæй  барвæндæй  ацыд, иннæ хайы та  миграцийы  департаменты  уагъд  мадзæлтты фæстиуæгæн, тыхбынæй  феддæдуар сты бæстæйæ.

«Фæсарæйнæгты  æмæ æмбæстагад кæмæ нæй   уыцы  уæнгты  барадон  уавæры  фæдыл»  Гуырдзыстоны  закъонмæ гæсгæйæ,  ивгъуыд къуырийы, феддæдуар сты  Ираны Исламы Республикæйы, Иорданийы Хашимитон Паддзахады, Индийы Республикæйы, Турчы Республикæйы, Египеты АРабаг Республикæйы, Азербайджаны Республикæйы, Автсралийы, Пакистаны Исламы РЕспубликæйы,  НИгерийы  Федерацион  Республикæйы, КИтайы Адæмон Республикæйы, ИРакы РЕспубликæйы æмæ Уæрæсейы Федерацийы   æмтгæй райсгæйæ  33 æмбæстаг.

Мидхъуыддæгты министрады  миграцийы  департамент у  бæстæйы мидæгæй  æнæзакъонон  миграцийы нызмæ  тохыл бæрнон оргæн.  Йæ  иуæй-иу  компетенци у  Гуырдзыстоны барадон  бындурæй  цух  уæвæг фæсарæйнаг æмбæстæгты бацагурын æмæ сæ Гуырдзыстонæй  феддæдуар кæнын» –  банысангонд у  МХМ-ы инфомацийы.