Украинайыл  Уæрæсейы массивон  ракетон  хафты  фæстиуæгæн  фондз адæймаг амард, –  уый фæдыл  информаци хъусын кæны  Украинайы мидхъуыддæгты министр  Игорь Клименко.

Киевы куыд хъусын кæнынц  афтæмæй,  Уæрæсе Украинайы горæттыл  бырст  баллистикон  ракететæй сыххæст кодта.

Хафты нысан уыд Киев дæр.  Украинайы сæйраг горæты  мэры дзырдæй, цæф сты 18 адæймаг.

Виталий Кличкойы информацийæ, Святошинскы  районы ракетон  бырстты фæстиуæгæн базиан ис  бирæуæладзыгон хæдзар.   Уыцы районы  сыгъд фæзындис  автомобильты æмæ иу хицæн хæдзарæн. Киевы мэры хъусинагæй,  ноджы иу  хæдзары  ссардтой ракетæй хай кæцы  не спырх ис.

Дарницкы районы уырыссаг ракетæйы хæйттæ æрхаудтой  бирæуæладзыгон корпусыл æмæ  рæвдауæндоныл.

Фæстаг хъусинæгтæй, Харьковыл  бырсты фæстиуæгæн  амард дыууæ сылгоймаг, цæф сты ноджы 11 æмбæстаг. Сæ дыууæ уæззау  уавæры сты.  Харьковы мэры информацийæ, хафты фæстиуæгæн  иуæй-иу хæдзары  бацæуæн ныккалдис. Бынатыл кусынц  ирвæзынгæнджытæ.

Уæрæсейы бырстсыххæст ис  афтæдæр Днепропетровскы  районы горæт  Павлогородыл æмæ Львовыл дæр. Фæдис уыдис Одессæйы дæр.

Украинайы гарзджын тыхты хъусын кæнынц, цæмæй  Уæрæсе Украинайы æрдæм 41 ракетæ фехста, уыдонæй уæлдæфон иргъæфы тыхтæ 21  скуынæг кодтой.