«В» къорды  матч Португалийы æмæ  Марокойы  æмбырдгæндты æхсæн æгæр тынггонд  рауад  æмæ   кæсджытæ  бирæ  тæссаг  момент  федтой.  Матчы  4-æм минутыл  Криштиану Роналду, къуымон цæфы   фæстæ   портийы размæ расæррæтт кодта  æмæ  йæ  сæрæй  арвыста  Мароккойæгты  дуæрттæм.  Уый фæстæ  инциативæ сæхимæ  райстой  мароккойæгтæ  æмæ  дыууæ  таймы дæргъы  бирæ  тæссаг момент сфæлдыстой.  Фæлæ иу  куы дуаргæс  Руи Патрисиу  амбæлд цæттæйæ  куы та иу   мароккойæгты  фæстаг  цæф  рауад æнæдырыс. Фæсмтагмæ  матчы мидæг æндæр къæм нал  баппæрстой, Португали йæ фыццаг матчы  цы  балл райста  уымæ  ма  ноджы  3  баллы  бафтыдта  æмæ   къорды  фыццаг бынат бацахста.  Абон   афтæдæр сырæздзæн  къорды дыккаг матч Испани æмæ Ираны æхсæн.