Майя Санду Молдовайы президентон æвзæрстыты дыккаг туры фæуæлахиз ис. Хъæлæсты 100 проценты банымадтой. Майя Санду рамбылдта хъæлæсты 55,33 процентæй.

Парти «Социалисттæ»-йы минæвар Александр Стояноглуйæн ис хъæлæсты 44,67 проценты.

Æвзæрстыты хайадист уыд 54 проценты. Иууыл активондæр æвзарджытæ уыдысты 36 æмæ 65 азы кары æхсæн.

Молдовайы ЦÆК-ы бæрæггæнæнтæм гæсгæ, Молдовайы цæрæг æвзарджыты фылдæр хай Стояноглойы фарс рахæцыдысты (51,19 процент). Æмæ Санду райста 48,81 проценты. 82 проценты æвзарджыты фарс рахæцыдысты Сандуйы фæсарæнты, 17 процент та Стоянглуйы фарс.

“Социалистты” парти фехъусын кодта, кæй нæ нымайынц фæсарæйнаг æвзарæн фадгуыты хъæлæс кæныны фæстиуджытæ æмæ Александр Стояноглуйы схуыдта Молдовайы президентон æвзæрстыты “æцæг уæлахиздзау”.

«Фæстаг президентон æвзæрстытæн, уæлдайдæр та Приднестровьейы регионы æмæ уымæй дарддæр хъæлæсæппæрстæн нæй схонæн адæмы фæндоны сæрибар æмæ демократон равдыст. Майя Санду «диаспорайы президент» ссис», – дзырдæуы фидиуæны.