Абон Лиетувæйы парламентон æвзæрстытæ цæуынц. Фæстаг социологон æрфарстытæм гæсгæ, раззаг бынатыл ис оппозицион социал-демокративон парти. Йæ фарс хæцынц æвзарджыты 18 проценты бæрц.

Партийы лидер, Европарламенты депутат Вилия Блинкевичуте, ныфс æвæры, цæмæй премьер-министры пост бацахсдзæн.

Æрфарстытæм гæсгæ, ныры премьер-министр Ингрида Шимонитейы центр-рахиз парти «Фыдыбæстæйы цæдис» æртыккаг бынатыл ис 9% фарсылхæцындзинадимæ. Разæй цæуы популистон националистон партийæ, кæцыйæн, æрфарстытæм гæсгæ, йæ фарс хæцынц æвзарджыты 12 проценты.

Лиетувæйы парламентон æвзæрстытæ æмхæццæ системæйæ цæуынц. 141 бынаты кæм ис, уыцы Сеймасы партион номхыгъдтæй æвзæрст æрцæудзæн 70 депутаты, иннæтæ та æвзæрст æрцæудзысты иумандатон зылдтæм гæсгæ.