Литва, Латви æмæ Эстони Гуырдзыстоны бæрнон кусджытæн, се æхсæн депутаттæн, тæрхондоны уæнгтæн æмæ «Альт-Инфойы» минæвæрттæн бæстæмæ бацыдæй тобæ сæвæрдтой.

Латви æнæбæрæг æмгъуыдмæ 16 Гуырдзыстоны æмбæстагæн бæстæмæ бацыды тобæ сæвæрдта. Уый фæдыл Латвийы фæсарæн хъуыддæгты министр Байба Браже социалон хызаг «X»-ы ныффыста.

«Латвийы æнæбæллиццаг адæймæгты номхыгъдмæ бафтыдтон 16 Гуырдзыстоны æмбæстаджы, æнæбæрæг æмгъуыдмæ сæ бæстæмæ бацыдæй тобæ сæвæрдтон». «Ацы уынаффæ ист æрцыд иммиграцион закъоны 61(2) хаймæ гæсгæ», — ныффыста уый.

Æмбæлон æскъуыддзаг Латвийы фæсарæн хъуыддæгты министрады веб-фарсыл дæр ис фыст. Расидæны нæй фыст, цавæр аххосæгтæ уыдысты, цæмæй йæ расидтысты персона нон грата, кæнæ чи уыд номхыгъдмæ хаст.

Уымæй дарддæр ма, Лиетувæйы æттаг хъуыдтæгты министрады информацимæ гæсгæ, Лиетувæ 74 Гуырдзыстоны æмбæстагæн бæстæмæ бацыд тобæ сæвæрдта.

«Лиетувæ адæймаджы барты серьозон хæлд æмæ репресситы тыххæй Лиетувæмæ бацæуыны тобæйы номхыгъдмæ бафтыдта 74 гуырдзиаг бæрнон». «Мах лæууæм Гуырдзыстоны адæмимæ иумæ демократийы æмæ европон фидæны тырнындзинады», – фыссы министр.

Афтæ дæр йæ тыхы бацыд Эстонийы фæсарæн хъуыддæгты министр Маргус Цахкнайы къухфыст бардзырд, кæцымæ гæсгæ Эстони 55 гуырдзиаг прокурорæн, тæрхонгæнæгæн, пъæлицæйы кусæгæн, парламенты уæнгтæн æмæ æндæр хицæн адæймæгтæн бæстæмæ бацæуыны тобæ снысан кодта.

«Бацæуыны тобæгонд номхыгъдмæ бафтыдтам ноджы 55 гуырдзиаг». Номхыгъдмæ хауынц тæрхонгæнджытæ, прокурортæ, пъæлицæйы кусджытæ æмæ къамисджытæ, платформæйы аразджытæ æмæ парламенты уæнгтæ, кæцытæ тæрхондоны æмæ барадхъахъхъæнæг органты æрдыгæй демонстрантты æфхæрдæн дзуапп дæттынц. Номхыгъды гуырдзиаг хицæн адæймæгтæ кæнæ архайдтой тыхмийы, кæнæ та тыхмидзинадæй тæрсын кодтой. «Гуырдзыстоны демонстрантты, журналистты æмæ оппозицийы лидерты ныхмæ тыхмидзинад у æнæрайсгæ, криминалон æмæ адæймаджы барты хæлд», – райхъусын кодта Цахкна.

Æнæхъæнæй 83 гуырдзиагæн Эстонимæ бацæуын тобæгонд у. Эстонийы фæсарæн хъуыддæгты министрады веб-фарсыл бæстæмæ æрбацæуынæй тобæгонд хицæн адæймæгты номхыгъд публикацигонд æрцыд.