«Мишисттæ» Саломэ Зурабишвилимæ мæсты кæнынц, Саакашвилийæн кæй нæ ныххатыр кодта, уый тыххæй. Уыдон Зурабишвилийы фæдыл ацыдысты, фæлæ парламенты æддейæ баззадысты, æмæ протесттæ ницы аивтой, – уый фæдыл парламентон фылдæры хайы уæнг Леван Мачъавариани расидтис.

Мачъаварианийы ныхасмæ гæсгæ, Саломе Зурабишвилийæ фæфыдæнхъæл сты.

«Мишисттæ» Саломе Зурабишвилимæ тынг мæсты кæнынц, Михеил Саакашвилийæн кæй нæ ныххатыр кодта, уый тыххæй. Саломэ Зурабишвили бацархайдта Саакашвилийы роль йæхимæ райсын æмæ коллективон «националон змæлды» разамонæг суæвын. Цыфæнды хæслæвæрдтæ дæр «æддаг уæлдæртæй» æрцыд, уыдон радикалон оппозицийы Саломе Зурабишвили ныппырх кодта. Йæ фæдыл цыдысты, фæлæ куыд рабæрæг, афтæмæй сæ парламенты æддейæ ныууагътой, протесттæ ницы аивтой, æмæ протесты импульс фесæфт. Æвæццæгæн, уый ныфс бавæрдта цыдæр æхцайæ, цæмæй Евроцæдисæй «æнæхицауадон организациты» хæрзиуæгæн 120 милуан евро сисдзæн, фæлæ йын уый нæ бантыст æмæ йæм æнæразы сты. Æддейæ æнхъæлмæ кæсынц амынддзинæдтæм, фæлæ сæ цыма фæфæстиат кæнынц. Чи зоны, бардзырдтæ дын чи дæтты, уыцы бюрократтæ æндæр хъуыддæгтыл архайынц. Чи зоны, ацы амынддзинæдтæ дæттыны хъуыддаджы архайынц дыккаг бæстæтæ, зæгъæм, Балтийы бæстæтæ æмæ афтæ дарддæр. «Оппозици æнæзонд у, нæ зонынц, цы уыдзæн дарддæры амынддзинæдтæ», – расидтис Леван Мачъавариани.