Ацъарайы регионы Цихисдзирийы, Petra Sea Resort-ы, «Pullman»-ы бренды уазæгдоны æмæ резиденциты арæзтады капсулæйы нывæрыны церемони ацыд, кæцыйы хайад иста фыццаг вице-премьер, экономикæ æмæ æнæфæцудгæ рæзынады министр, Леван Давиташвили.

Йæ ныхæстæм гæсгæ,   фондзстъалыон уазæгдон æмæ  цæрæнуæтты  проект æххæст масштабæй  2028  азы кæронмæ скусдзæн. Арæзтады рæстæджы комкоммæ куыст райсдзысты 500 адæймагæй фылдæр, проекты фæуды фæстæ та фæзындзæн 250 ног куысты бынаты.

Фыццаг вице-премьеры информацимæ гæсгæ, проекты реализацийæн бахъæудзæн æввахс 80 милуан АИШ-ы доллар. Йæ сæххæст кæныны фæстæ, гуырдзиаг туризммæ бафтыд уыдзæн ног хæрзхъæд сынтæджы фонд. Леван Давиташвилийы ныхасмæ гæсгæ, Гуырдзыстоны туризмы дарддæры размæцыдæн нысаниуæгджын сты уæлæмхасæн ног фысымуæтты комплекстæ æмæ сеппæтæй сæйрагдæр та хæрзхъæд туристон инфраструктурæ.

«Махæн нысаниуæгджын у, Гуырдзыстонмæ бæрзонддæр æлхæнæн хъомыс кæмæн ис, ахæм туристты бауадзынæн пропагандæ кæнæм, кæцы бæстæйы экономикон размæцыды нысаниуæгджын компонент у» – райхъусын кодта Леван Давиташвили.

Фыццаг вице-премьеры ныхæстæм гæсгæ, æмхуызон нысаниуæгджын у, цæмæй туризмы проект æнæфæцудгæйæ рæза. Уый афтæ дæр расидтис транспортон проекты фæдыл, кæцы йæ ​​зæрдыл дары Ацъарайы регионы бæлццæтты денджызон транспорты реставраци. Уый тыххæй фысымуæтты комплексмæ хæстæг нывæзт цæуы наулæууæн æмæ яхт-клуб саразын.

Информаци экономикæ æмæ æнæфæцудгæ рæзынады министрады пресс-куыстуат парахат кæны.