Фыццаг вице-премьер, экономикæйы æмæ æнæфæцудгæ рæзынады министр Леван Давиташвили расидтис, цæмæй Гуырдзыстонæн тагъд рæстæджы АИШ-ы минæвар уыдзæн. Уый фæдыл комкоммæ эфиры «Имеди ТВ»-йы Леван Давиташвили расидтис, кæцы АИШ-ы визитæй ис.

«АИШ-ы администрацийæн ис позитивон позицитæ Гуырдзыстоны раразмæгонд кандидатты фæдыл, стандартон процедурæтæ цæуынц æмæ уый тыххæй дæр, ай нæу ахæм фарста, кæцы домы нæ бастдзинад.Ацы фарста процедурæтæм гæсгæ æрбæстон уыдзæн æмæ æввахс рæстæджы нæм уыдзæн минæвар АИШ-ы, кæцы æнæмæнгæй ноджы фæтыхджындæр кæндзæн дыууæфарсон ахастытæ», -расидтис фыццаг премьер-министр.

Ноджы иу фарста, кæцыйыл Леван Давиташвили фæныхас кодта, у АИШ-ы раздæры администрацийы æрдыгæй Гуырдзыстоны хицауады иуæй-иу минæвæртты ныхмæ санкцитæ. Леван Давиташвилийы ныхасмæ гæсгæ, ай бынтондæр æнæбындурæй æрцыд æмæ ацы æрдгæй уæвæг уавæр хъуамæ ивд æрцæуа.

«Паддзахадон департаменты нын уыд иумæйаг дискусси санкциты реализацийы фæдыл, Гуырдзыстон у фæзминаг бæстæ, АИШ-ы партнер санкциты реализацийы æрдгæй.Фæлæ санкцитæ, кæцытæ Гуырдзыстоны хицауады иуæй-иу минæвæртты ныхмæ абсолютонæй æнæ бындурæй æвæрд æрцыдысты, æнæмæнгæй сты иуæй-иу къуылымпыгæнæг фактор ахастыты æмæ æнæмæнгæй уый хъæуы аивын. бынтон зын æмæ рæстæг бахъæудзæн, фæлæ нысаниуæгджын у, цæмæй райдайæм диалог æмæ уый тыххæй хъæуы æмбæлон процедурæтæ, кæд æмæ ис политикон фæндон Кæй зæгъын æй хъæуы, мах федтам, цæмæй ис фæндон æмгуыстадмæ, ноджы фæтыхджындæр кæнæм стратегион ахастытæ æмæ æппæт уыдæттæ нын дæттынц ныфс, цæмæй ноджы фæарфдæр æмæ фæтыхджындæр кæндзыстæм ахастытæ АИШ-имæ» – райхъусын кодта Леван Давиташвили.