Леван Давиташвили, Гуырдзыстоны фыццаг вице-премьер, экономикæ æмæ æнæфæцудгæ рæзынады министр, Гуырдзыстоны æмæ Катары паддзахады æхсæн базарадон æмæ экономикон ахастыты размæцыды перспективæтыл, Катары премьер-министр шейх Мохамед бин Абдулрахман бин Джасим Аль-Таниимæ фембæлды рæстæджы æруынаффæ кодта. Фембæлд Катармæ фыццаг вице-премьеры визиты фæлгæтты сырæзт.

Гуырдызстоны делегаци, фыццаг вице-премьеры къухдариуæгæй, Катары фыццæгæм экономикон форумы хайад исы. Форум уагъд цæуы эмир шейх Тамим бин Хамад Аль-Танийы æххуысæй æмæ Bloomberg-ы æххуысæй, æмæ дзы архайынц 2500 дунеон лидерæй фылдæр куыд Персы бакæлæны бæстæтæй, афтæ æппæт дунейæ дæр.

Банысанкæнинаг у, цæмæй Гуырдзыстоны æмæ Катары паддзахады æхсæн 2022 азæй фæстæмæ кусы инвестициты кæрæдзийæн æххуыс æмæ хъахъхъæныны фæдыл бадзырд, кæцы æфтауы æфтауцджын инициативæтæ инвестициты æрбацыдты дарддæры æххуысæн. Иннæ бадзырд хауы экономикон, базарадон æмæ техникон æмгуыстады фарстатыл.

«Катарæн гæнæн ис æмæ суа нысаниуæгджын экономикон партнер Гуырдзыстонæн – 2024-æм азы Катарæй инвестицитæ æввахс 50 милуан АИШ доллармæ æрхæццæ сты æмæ æнхъæлмæ кæсæм фидæны инвестициты бæрц ноджы фæбæрзонддæр уыдзæн» – банысан кодта Леван Давиташвили.

Визиты фæлгæтты Гуырдзыстоны делегаци райсом фембæлдзæн Катары паддзахады базарад æмæ индустрийы министр шейх Файсал бин Тхани Аль Танимæ. Фембæлды плангонд у базарадон æмæ экономикон ахастыты нысаниуæгджын фарстатыл æруынаффæ кæнын, се æхсæн инвестициты, энергетикæйы, туризмы, транспорты æмæ коммуникацийы æмкуысткæнынад.

Уый фæдыл информаци экономикæйы министрады пресс-куыстуат парахат кæны.