Гуырдзыстоны хицауад ацы аз фæткуыйы балхæдæн субсидитæ рауæлдай кæндзæн – уый фæдыл Гуырдзыстоны премьер-министр Гиорги Гахариа хицауады рабадтыл райхъусын.
«Экономикон кризисы фæлгæтты, зондзыстут, мах секторгай æххуыс кæнæм æндæр æмæ æндæр кабæзтæн æмæ сæрмагонд хъусдард та здахæм хъæууон хæдзарадмæ. Сæйраг нысан у, цæмæй нæ фермертæн, сæ тыллæгы иу грамм дæр ма баззайа æнæфснайд. Ацы мотивæй уыд нæ æххуыс сæндуцынадæн æмæ зондзыстут, хицауад субсидитæй æххуыс кæны сæнæфсир балхæд ацы аз æмæ дарддæры къахдзæф, кæцыйы пълан кæнæм, уыдзæн фæткуы. Фæткуыйы тыллæг бафснайын. Ацы аз æхсæнадæмон базартыл фæткуы фæаслам ис, уый тыххæй хъæууон хæдзарады министрады рекомендацийæ, абон хъуамæ рахæссæм уынаффæ, æнæстандартон фæткуы балхæдæн 10 тетрийы субсидий рауæлдай кæныны фæдыл» – банысан кодта Гиорги Гахариа.
Афтæма йæ ныхæстæм гæсгæ, зæгъгæ фермертæн фæткуыйы аргъ 22 тетрийæ къаддæр нæ уыдзæн.
«Алы уыцы компани, кæцы баиу уыдзæн балхæды штабмæ, кæцы скусдзæн специалонæй фæткуы бафснайыны нысанæй, райсдзæн сусбсиди уæлæмхай 10 тетрийы бæрцæй. Уый тынг нысаниуæгджын у регионæн, уый тыххæй дæр тынг раст æмæ эфеективон хъуамæ бакусæм. Ацы программæ адарддæр уыдзæн 2020 азы декабры онг» – загъта Гиорги Гахариа.