ХАМАС Израилаг уацайрæгты ссæрибар кæныны процесс райдыдта. Израилы медийы информацийæ, Газайы уæвæг авд уацайраг ныридæгæн Сырх Дзуарæн лæвæрд æрцыд.

«Сырх Дзуары Æхсæнадæмон Комитет бирæфазон операци райдыдта, цæмæй æнцондæр уа уацайрæгты æмæ ахстгондты ссæрибар кæнын æмæ æрвитын Израил æмæ ХАМАС-ы æхсæн æхсты фæурæды бадзырды фæлгæтты» – ис фыст Сырх Дзуары расидæны.

Израилы премьер-министры офис куыд бамбарын кодта, афтæмæй процесс дихгонд уыдзæн дыууæ этапыл æмæ ахæсдзæн цалдæр сахаты.

Райдианы уацайрæгтæ Сырх Дзуары Æппæтдунеон Комитеты минæвæрттæн лæвæрд æрцæудзысты, уый фæстæ та сæ Израилмæ ахæсдзысты.

«Хамас» ныммыхуыр кодта дыууын уацайрагы нæмттæ, кæцытæ æввахс цалдæр сахаты ссæрибар уыдзысты. Уый ма ныммыхуыр кодта 1718 палестинæйаг ахæсты нæмттæ, кæцыты Израилы фарс æфсæддонты æрыздæхты фæстæ ссæрибар кæндзæн.

Уæ информацийæн, Израилы хицауад раздæр сбæлвырд кодта Газæйы секторы æхсты фæурæд æмæ æфсæддонты ссæрибар кæнын АИШ-ы президент Дональд Трампы бавдыст сабырадон планы фæлгæтты.