НАТО-йы æхсæнадæмон æфсæддон æмæ æппæтдунеон службæты минæвæрттæ хихъахъæнады министрады 20-22 майы кусæн визитæй уыдысты. Ай фæдыл информаци хихъахъæнады министрад парахат кæны.

Министрады информацийæ, визиты нысан уыд НАТО-Гуырдзыстоны æфсæддон æмкуыстдзинады фæдыл консультациты ноджы иу раунды ауадзын.

«Кусæгон фембæлдты фæлгæтты, фарсытæ НАТО-йы æфсæддон комитетимæ æмкуыстдзинады форматы снысангонд мадзæлтты реализацийы уавæрыл, НАТО-йы æфсæддон комитеты иумæйаг аргълæвæрды проектыл æмæ Гуырдзыстоны куысты пъланыл æруынаффæ кодтой, афтæ дæр партнерады фидæны плæнттæ æркастысты».

Визиты рæстæджы делегацийы уæнгтæ бабæрæг кодтой НАТО-Гуырдзыстоны иумæйаг ахуырадон æмæ аргълæвæрды центр (JTEC), цыран базыдтой НАТО-Гуырдзыстоны нысаниуæгджын пакеты (SNGP) æмæ æхсæнадæмон партнерты æххуысæй сырæзт гæнæнты тыххæй, центры инфраструктурæ æмæ цæугæ проектты тыххæй.

«НАТО-йы æфсæддон комитет æмæ Гуырдзыстоны æхсæн æмкуыстдзинады фæлгæтты æнæхъæн азы мидæг уагъд цæуы кусæгон фембæлдты цалдæр раунды, кæцытæ æвдисынц экспертон æмвæзадыл æфсæддон æмкуыстдзинады нысаниуæгджын аспекттыл уынаффæ кæныны формат», – ис фыст хихъахъæнады министрады расидæны.