Гуырдзыстонмæ дыууæбонон визитæй фæуазæг ис НАТО-ы æфсæддон комитет.  Æфсæддон комитеты сæрдар, адмирал  Роб Бауэрæн сфысым кодта Гуырдзыстоны  хъахъхъæнынады министр, Джуаншер Бурчъуладзе.

Хъахъхъæнынады министрады уагъд дыууæфарсон  фембæлды фæлгæтты регионы æдасзинады уавæр  æмæ уæвæг  расидтытæ æркастысты. Ныхасы сæйраг темæ уыд  альянсимæ  æмгуыстады  сæйраг  æрдæмадтæ æмæ æмгуыстады  стынг кæныны перспективæтæ.

Хъусдард  здæхт уыдис стынггонд НАТО-Гуырдзыстоны  архайадон  пакеты  эффективон сыххæсты æмæ цаугæ процессы  æмцæдисонты активон  бастдзинады критикон  нысаниуæгыл.  Фарсытæ  хъахъхъæнынады реформæты сыххæсты процессы  Гуырдзыстоны прогрессыл дæр фæныхас кодтой.  Банысан ис  æхсæнадæмон ахуырты  Гуырдзыстоны  ауадзыны  æмæ иумæйаг ахуырты  Гуырдзыстоны хъахъхъæнынады тыхты хайад райсыны  нысаниуæг, афтæма  æхсæнадæмон  æдасдзинад  сфидар кæныны хъуыддаджы Гуырдзыстоны нысаниуæгджын хайбавæрд.

Гуырдзыстон нырид фæндзæм хатт  фысым кæны НАТО-ы  æфсæддон комитетæн. Визиты фæлгæтты комитеты  уæнгтæ  æхсæнуагдонон сæрдарадон штабон   ахуыр «Дидгори 2023»-ы  цыдимæ æрзонгæ уыдзысты æмæ æфсæддон  комитеты пленарон  рабадт ауадздзысты. Цæгататлантикон  альянсы  бæрзонддæр æфсæддон  органы  официалон визит Гуырдзыстонмæ ноджы иу хатт бæлвырд кæны НАТО-ы  æнæцудгæ  фарсдарын бæстæйы хæдбарадæн, суверенитет, территорион æнæхъæндзинадæн  æмæ евроатлантикон  тырнынадтæн.