Ацы аз сыххæст уыдзæн къорд стыр æмæ нысаниуæгджын инфраструктурон проект, се æхсæн Руставелийы проспекты æххæст ремонт – уый фæдыл Тбилисы мэр Каха Къаладзе муниципалон хицауады рабадтыл расидтис.

Йæ ныхасмæ гæсгæ, Руставелийы проспект æххæстæй трансформацигонд æрцæудзæн, куыд фæндаджы уæлцъар, афтæ историон бæстыхæйттæ дæр сног уыдзысты.

«Прспект бындуронæй фæивдзæн, уыдзæн ын ног дизайн, уыдзæн комфортон æмæ, кæй зæгъын æй хъæуы, инвалидтæн адаптацигонд». Уырны мæ, куыст куы фæуа, уæд проект уыдзæн иттæг рæсугъд æмæ ахадгæ. Кæй зæгъын æй хъæуы, æрмæст уыимæ не стæм, фæнд кæнæм уæвæг бæстыхæйттæ дæр сног кæнын. Бæстыхæйттæн сæ фылдæр сты культурон бынты цыртдзæвæнтæ. «Куыстыты дыккаг этап уыдзæн ацы цыртдзæвæнты реабилитаци, кæцы бирæазон проект уыдзæн, уымæн æмæ нæ фæнды Руставелийы проспектыл æрмæст фасадтæ нæ фæлæ ма æнæхъæн бæстыхæйттæ дæр сфидар кæнын æмæ фæхуыздæр кæнын», – райхъусын кодта Тбилисы мэр.

Йæ ныхасмæ гæсгæ, Руставелийы проспекты реабилитацион проектмæ гæсгæ, зæххы бын коммуникацион хызæгтæ æнæхъæнæй ивд æрцæудзысты, арæзт æрцæудзысты къахвæндæгтæ, сæвæрдзысты æддейы рухсдæттæн хыз, æмæ зæххы бын бырæттæ æмбырдгæнæн бынæттæ сæвæрдзысты. Афтæ ма, фæндаджы сæвæрдзысты асфальт æмæ æхсæнадон транспорты æнхъæлмæкæсæн бынæттæ арæзт æрцæудзысты.