Тбилисы мэр Каха Къаладзе сиды, цæмæй Тбилисы Твалч]релидзейы 1-æм уынгыл цæрæг æмбæстæгты 9 бинонтæ сты регистриргонд, æмæ сын муниципалитет арендæйы аргъ бавдыста.

Уый фæдыл расидæн сарæзта, æххæстгæнæн националон бюройы парахатгонд информацийы фæдыл комментари кæнгæйæ, кæцымæ гæсгæ, Твалчрелидзейы 1-æм уынгыл уæвæг бæстыхæйттæ æмæ структурæтæ сты æдзæллаг уавæры æмæ цæрджыты эвакуаци цæуы.

Сæйраг сахары мэр куыд бамбарын кодта афтæмæй, Тбилисы регистриргонд 9 бинонтæй æрмæст дыууæ сразы сты муниципалитеты æркуырдæй, иннæтæ та не сразы сты арендæйæ рацæуыныл.

«Мэрийы тыххæй бирæ аххосæгтæ æвæрд æрцыд, фæлæ столицæйы муниципалитетæн ницы бар ис. Уый уыд сæрмагонд исбон æмæ цыдысты барадон быцæутæ дæр. Бæрæг нымæц адæймæгтæ бабырстой бæстыхаймæ, кæцы у æдзæллаг уавæры æмæ йæ хъæуы ссæрибар кæнын. Уый у раст, цыма исчи дæхи хæдзармæ бабырсы æмæ уым æрбынат кæны. Уымæй уæлдай ма тæрхондоны хицау хъуыддаг рамбылдта. бæстыхай кæлæддзаг у æмæ æмбæстæгты æдасдзинадыл бындурæвæрдæй, сæ рацæуын кæндзысты.

Тбилисы регистрацигонд сты 9 бинонтæ. Муниципалитет сын радта арендæйы аргъ. Дыууæ ныридæгæн сразы сты æмæ пайда кæнынц муниципалитеты æркуырдтæй, иннæтæ та нæ сразы сты фæндоныл. Мæ бон у комкоммæ зæгъын, цæмæй уый муниципалитеты фарста нæу, уый у æххæстгæнæн фарста æмæ рацæуын цæуы. Тæрхондонон хъуыдтаг рамбылдтой æмæ йæ сыххæст цæуы», -расидтис Каха Къаладзе.

Æххæстгæнæн националон бюро абон рапарахат кодта информаци Твалч]релидзейы 1-æм уынгыл цæугæ æххæстгæнæн процессы фæдыл.Информацийы куыд банысангонд у, афтæмæй бæстыхæйттæ æххæстæй амортизацигонд сты æмæ уым цæрæг адæймæгты æнæниздзинадæн æмæ цардæн тæссагдзинад хæссынц. Æххæстгæнæн бюройы информацимæ гæсгæ, уый бæлвырд кæны Самхараулийы экспертон хыгъдлæвæрд, кæцы ирдæй зæгъы, цæмæй бæстыхæйтты уæзласæн къултæ хъыгдард сты æмæ цыфæнды рæстæджы дæр ис сæ ныккæлыны тæссагдзинад.