Латвийы президент Эдгарс Ринкевич Гуырдзыстоны 5-æм президент Саломэ Зурабишвилиимæ фембæлд. Уый фæдыл Латвийы президент социалон хызагы йæ фарсыл ныффыста.

“Стыр æхсызгон уыд Гуырдзыстоны 5-æм президентимæ Ригайы галуаны фембæлын. Ноджы иу хатт сбæлвырд кодтон Латвийы фидар фарсылхæцындзинад гуырдзиаг адæмы демократион æмæ европон тырнындзинæдтæн”, – фыссы Ринкевич.

Фембæлды фæдыл Саломэ Зурабишвили афтæ дæр ныффыста социалон хызаг «Х»-ы æмæ банысан кодта, цæмæй Латвийы фарсылхæцындзинад Гуырдзыстонæн æнæфæцудгæ у.

“Æз фембæлдтæн президент Эдгарс Ринкевичимæ. Уый ноджы иу хатт сбæлвырд кодта Латвийы æнæфæцудгæ фарсылхæцындзинад Гуырдзыстонæн æмæ гуырдзиаг адæмæн. Бузныг, кæй лæуут Гуырдзыстоны фарсмæ ацы фæндагыл”, – фыссы Саломэ Зурабишвили.