Кæд æмæ АИШ Ираны ныхмæ исты бырст сараздзæн, уæд йæ базæтæ Персы бакæлæны регионы æмæ уыцы режимтæ, кæцытæ АИШ-ы базæтæн фысым кæнынц, скуынæг уыдзысты, – уый фæдыл атомон бадзырдты Ираны делегацийы уынаффæгæнæг Мохаммад Маранди райхъусын кодта.

Маранды ныхæстæм гæсгæ, кæд æмæ америкæгтæ Ираны ныццæвдзысты, уæд нефт æмæ газæй хъæздыг чысыл режимтæ дзуапп дæтдзысты, уымæн æмæ уыдон фысым кæнынц америкаг базæтæн æмæ бæрндзинадæй фервæздзысты.

Ираны хицауады минæвары ныхæстæм гæсгæ, ахæм сценарий æркæнид дунейы экономикæйы ныппырхмæ, æмæ алчидæр ныридæгæн федта, цы цæуы абон дунеон фондон базары.

«Æцæгæй, Иранæн æндæр гæнæн нæй, æрмæст Израилы ныццæвын, кæд æмæ Иран нæ фæнды регионалон хæст. Израилы режим цыфæнды ма кæна, Вашингтоны режим æй хъахъхъæндзæн, европæйаг режимтæ йæ хъахъхъæндзысты. Регионы ничи, Нетаньяху æмæ йæ алыварс чи ис, уыдонæй дарддæр, нæ фæнды эскалаци. Эскалаци гæнæн ис æмæ нысан кæна дунеон экономикæйы кæрон», – райхъусын кодта Мохамаг Маранди.