Гуырдзыстон хъæддых йæ фарс  хæцы  Украинайы суверенитет æмæ территорион æнæхъæндзинадæн æмæ фауы  Уæрæсйеы  æфсæддон  агресси алы  æхсæнадæмон  форумыл. Иурæстæгонæй мах уадзæм  прагматон  политикæ, цæмæй  нæхи аиуварс кæнæм  эскалацийæ  æмæ  йæ къух  саразæм регионы  сабырдзинадæн –  уый фæдыл  «Картули Оцнебайы»   сæрдар Иракъли Къобахидзе  райхъусын  кодта Бильбаойы, цы ран  йын  гуырдзиаг-баскаг  хæлардзинад фæарфдæрæн, демократийы æмæ  адæймаджы  барты  хъахъхъæды тыххæй  Сабино Каранйы  фонды  бæрзонддæр   хорзæх раттой.

Къобахидзейы дзырдæй,  Гуырдзыстон абон цалдæр  фундаментон  быцæусидты  раз лæууы.

«Нæ территориты  20 процент  оккупацигонд сты Уæрæсейы æрдгæй æмæ йæ  сабырадон  деоккупаци мæ адæмы  иуæй-иу сæйраг  националон нысан у. Украинайы  цæугæ  хæсты   контексты уыдис  тас, цæмæй  æфсæддон  конфликт  Гуырдзыстоныл дæр ахæлиу уыдаит.  Нæ хицауады сæйраг нысан уыд,  нæхи аиуварс кодтаиккам   хæстæй  нæ  бæстæйы  æмæ  уый æнтыстджынæй  сыххæст кодтам. Гуырдзыстон хъæддых йæфарс  хæцы  Украинайы суверенитет æмæ   территорион æнæхъæндзинадæн  æмæ фауы  Уæрæсейы  æфсæддон агресси алы æхсæнадæмон форумыл.  Иурæстæгонæй,  уадзæм прагматон политикæ, цæмæй  нæхи  аиуварс кæнæм  эскалацийæ  æмæ  йæ къух саразæм  регионы  сабырдзинадæн.  Гуырдзыстон афтæдæр архайы,  фасилитаторы роль сыххæст кæнын   дыууæ сыхаг бæстæйы – Сомихы æмæ Азербайджаны æхсæн. Уырны нæ, цæмæй сабырдзинады  æмæ   рæзынадæн  альтернативæ  нæй æмæ алы наци  ацы фæндагыл фæдфæдонæй хъуамæ  змæла», – загъта Иракъли Къобахидзе.