Гуырдзыстоны премьер-министр Ираклий Къобахидзе фембæлд  Никол Пашинянимæ.

Гуырдзыстоны хицауады пресс-куыстуаты информацимæ гæсгæ, æнæкомкоммæ фембæлды рæстæджы фарсытæ бахахх кодтой дыууæ бæстæйы æхсæн стратегион партнерады нысаниуæгдзинад æмæ æхсæнхицауадон къамисы 14-æм рабадты фæлгæтты бакæсинаг фарстатыл бакастысты экономикон æмгуыстады тыххæй.

«Хъусдард æрцыд регионы уæвæг уавæрмæ æмæ сабырадон процессы прогрессмæ». Ираклий Къобахидзе ноджы иу хатт сбæлвырд кодта Гуырдзыстоны хицауады цæттæдзинад, парахат кæна диалог æмæ хайбавæрд кæна регионы стабилондзинад æмæ сабырад сифтонг кæнынæн, кæцы æнæмæнгхъæугæ у бæстæты дарддæры размæцыдæн.

Фæрстæ ма бахахх кодтой дыууæ бæстæйы æхсæн бæрзонд æмвæзады диалог æндæр æмæ æндæр форматты æмæ æнгом æмгуыстад бирæ фадгуыты, кæцы ахъаз кæны дыууæфарсон ахастыты ноджы фæарфдæр кæнынæн.

«Фембæлды рæстæджы банысан ис, цæмæй хсæнхицауадон экономикон къамисы радон рабадт ахъаз кæндзæн дыууæ бæстæйы æхсæн базарадон-экономикон бастдзинæдты ноджы фæуæрæхдæр кæнынæн æмæ ацы æрдгæй уæвæг потенциалæй æххæстæй спайда кæнынæн» – ис фыст Гуырдзыстоны хицауады фидиуæны.