Премьер-министр Ираклий Гъарибашвили Чехы сæйраг горæт Прагæйы ис, цы ран  хайад исы Евроцæдисы  инициргонд  европаг политикон иугонды фыццаг  саммиты.

Иираклийы Гъарибашвили  Европаг  политикон иугонды (ЕРС) фыццаг  фембæлды пленарон  сессийы  байгомы  мадзалыл уыд.

Саммиты пленарон  сесси  байгом кодта Евроцæдисы  президент бæстæ – Чехы   Республикæйы премьер-министр Петр Фиала,  кæцы европаг политикон  иугонды  хайадисæг   паддзахадты  лидертæм дзырдæй  баздæхт  æмæ Европæйы континентыл  сабырдзимнады æмæ   стабилондзинад сфитонг кæнынæн  тыхархайд баиу кæныныл фæныхас кодта.  Иннæрдгæй,  ныхас уыд  уыцы  процесстыл дæр, цæмæй  куыд  хъуамæ адарддæр уа  Европаг  бинонты арæзтад  æмæ уыцы  бæстæты интеграци, кæцытæ  ассоциацигонд  сты Европаг бинонтимæ.

6-7 октябры, Чехы  сæйраг горæт Прагæйы, Евроцæдисы  иницргонд Европаг  политикон иугонды фыццаг   саммит цæуы. Саммиты  хайад исынц   Евроцæдисы 27 уæнг æмæ   17  партнер паддзахадты  сæргълæуджытæ.

Гуырдзыстоны делагцийы сконды сты фæсарæн хъуыддæгты министр Илиа Дарчиашвили  æмæ хицауады  администрацийы хистæр  Реваз  Джавелидзе.

Байгомы  мадзалы фæстæ европаг  политикон  иугонды  фембæлды  хайадисæг  делегациты лидертæ  иумæйаг фото айстой.

Информаци хъусын кæны Гуырдзыстоны премьер-министры  пресс-куыст.