Гуырдзыстоны  премьер-министр Ираклий Гъарибашвили  Гуырдзыстонæн Евроцæдисы уæнгдзинады  кандидаты статус алæвæрды фæдыл  Евроцæдисы сæрдар бæстæйы, Испанийы  Падзахады премьер-министр, Педро Санчесмæ  фыстæг  æрвиты.

Гъарибашвилийы  Педро Санчесмæ æрвыст фыстæджы куыд  дзырдæуы  афтæмæй, Гуырдзыстон  бузныг дзуры  Испанийæн  бæстæйы европаг  тырнынадтæн фарсхæцыны тыххæй.

«Æнæдау у, уый  æмæ Евроцæдисы  уæнгсуæвынимæ иумæ ис  дæргъвæтин  хæстæ æмæ бæрн. Раттут мын бар  бауырнын уæ кæнон, цæмæй  цыбыр фæндаг нæ агурæм.  Мæ  хицауад æххæстæй  мобилизацигонд у  æмæ хъæддыг нывæндыд  адарддæр  æмæ фæтагъддæр кæна  æнæмæнгхъæугæ реформæты сыххæст Евроцæдисы уæнгсуæвыны фæндагыл. 2012 азæй  Гуырдзыстон  фидар иузæрдыгдзинад  равдыста  Евроцæдисы  уæнг  паддзахадæй суæвынæн» – дзырдæуы  фыстæджы.

Премьерыфыстæджы куыд дзырдæуы  афтæмæй, 2022 азы июны фæстæ Гуырдзыстоны  афтæдæр равдыста  фидар фæнд 12 приоритеты сыххæсты фæдыл, кæцы бæрæг уЕврокомиссийы  хатдзæгы, кæцы уыдис  Евроцæдисмæ  Гуырдзыстоны  уæнгдзинады фæдыл куырдиаты  дзуапп.

Ираклий Гъарибашвили  фыстæджы фыссы, цæмæй  кандидаты  статусы раттын   уæлæмхас  импульс ратдзæн Гуырдзыстоны дæргъвæтин  сабырдзинады сфидар кæнынæн.

«Раттут мын бар  уæ бæстæйы æмæ Евроцæдисæн бузныг зæгъын  Гуырдзыстоны  суверенитет  æмæ территорион æнæхъæндзинадæн æнæцудгæ фарсхæцыны тыххæй, афтæма Уæрæсе-Гуырдзыстоны   конфликты  сабырадонæй алыгы хъуыддагмæ аккаг хайбавæрды  æмæ æххуысы  тыххæй. Уырны нæ, цæмæй Евроцæдис æмæ йæ уæнг паддзахадты  фидар æмхархайд  скуыддзаггæнæг уыдзæн оккупацигонд Гуырдзыстоны  регионы  сабырадон  реинтеграци сифтонг кæныны  æмæ фаст дзыллæты  уæнгты бафидауыны хъуыддаджы.  Гуырдзыстоны фидæн Евроæдисы ис  æмæ уымæн альтернативæ нæй.  Нæ наци æмæ мæ хицауад  æнхъæл стæм, цæмæй Испани æмæ  Евроцæдисы æндæр паддзахадтæ  стратегион æмæ  фидæныл ориентацигонд  уынаффæ рахæсдзысты  ацы къуырийы, кæцы фидар сбæтдзæн Гуырдзыстоны – Евроцæдисы фидæны уæнг паддзахады – европаг  демократиты бинонтимæ.  Цытджын  премьер, Гуырдзыстоны  бæллицц  реалондзинадæй скæыннæн æмæ нæ иудадзыг  æмгуыстады  ныфсæй  уæ курæг дæн, райсут сымахæн ме стыр цыты  грамотæ» – дзырдæуы фыстæджы.

Гуырдзыстоны премьер-министр фыстæджы  афтæдæр арвыста  Еврокомиссийы президент Урсула фон дер Ляйенмæ æмæ Евроцæдисы 27 паддзахады  лидертæм.