Гуырдзыстоны премьер-министр  Ираклий Гъарибашвилийы æмæ Турчы  Республикæйы президент Реджеб Тайип Эрдогъаны æхсæн уыд  телефонæй дзырд. Информаци хъусын кæны премьер-министры  пресс-центр.

Хицауады сæргълæууæг  президент  Эрдогъанæн  зынгсирвæзты амæттагы æмæ  зианы тыххæй  Гуырдзыстоны хицауады æмæ адæмы номæй   æмæнкъард  ноджы иу хатт   равдыста æмæ æххуыс банхъарыд.

Турчы  Республикæйы   президент Ираклий Гъарибашвилийæн  фарсхæцыны тыххæй  бузныг загъта.

Премьеры пресс-центры хъусинагæй,  Гуырдзыстоны премьер-министр  æмбæлгæ  уагдæтттæн ныридæгæн бахæс кодта, бахъуаджы  цауы  хæлар æмæ  стратегион  партнер Турчы Республикæйæн  æмбæлгæйæ баххуыс кæнын.

Афтæма телефонон бадзырдты  рæстæджы, хъусдард здæхт уыдис  премьер-министр Ираклий Гъарибашвилийы  паддзахадон визитмæ Акарамæ,  кæцы 1-аг  июны ацыд. Хицауады сæргълæууæг  Реджеб Таип Эрдогъанæн бæрзонд æмвæзы  фысымдзинады тыххæй раарфæ кодта. Президент Эрдогъан  Гуырдзыстоны  премьер-министры Туркмæ ноджы иу  хатт фæхуыдта.  Бахахх ис  бæрзонд æмвæзы стратегион  советы  рабадты  æввахс фидæны  ауадзыны æнæмæнгхъæуындзинад, кæцы  дыууæфарсон  бонвæткы  актуалон  фарстæты æркæсынæн  иттæг нысаниуæгджын  формат у.

Гуырдзыстоны премьер-министр æмæ Турчы Республикæйы президент  афтæдæр фæныхас кодтой  Азербайджан-Гуырдзыстон-Турчы  æмгуыстады формат рапарахат кæныны перспективæ æмæ нысаниуæгыл.