Ираклий Гъарибашвили – 2012 азы ахуырады бюджет уыдис 626 милуан лари, 2024 азы та уыдзæн дыууæ миллиард 508 милуан
Нæ хæрзном ахуыргæнджыты профессион райрæзт æмæ фарсдарын райдыдтам, хицауад дзæбæх æмбары ацы фарстайы нысаниуæг – уый фæдыл Гуырдызстоны премьер-министр Ираклий Гъарибашвили райхъусын кодта.
Хицауады сæрдары дзырдæй, иттæг нысаниуæгджын у ахуыргæнджыты мыздты рæзт.
«Иттæг нысаниуæгдждын уыд уыцы уынаффæ, кæцы мах рахастам – ахуыргæнджыты мыздты рæзт. Ахуыргæнæджы профессийы престижыл куы дзурæм, нæй гæнæн, цæмæй ахуыргæнæджы мызд уа ныллæг, ма уа æмбæлон. Абарынæн уын зæгъдзынæн, 2012 азы ахуыргæнæджы астæуккаг мызд уыдис 330 лари. Ацы аз, мах æнæиу хатт куы фæфылдæр кодтам мызд, ахуыргæнæджы астæуккаг мызд у 1200 ларийы онг. Уый. кæй зæгъын æй хъæуы, æгъгъæд нæу уый тыххæй рахастам уынаффæ æмæ нысаниуæгджынæй фæбæрзонддæр кодта ахуыргæнæджы мызд. Астæуккагæй 500 ларийæ фæбæрзонддæр уыдзæн æххæст графикæй кусыны цауы ахуыргæнæджы мызд, хицæн цауты 600, 700 æмæ 800 ларийæ дæр. 1700-1800 лари суыдзæн ахуырргæнæджы мызд, 2012 азы та 330 лари уыд сæ мызд. Уый абарынæн», – загъта Гъарибашвили.