Америкæйаг миллиардер Илон Маск сиды, цæмæй АИШ-ы президент Дональд Трампы тыххæй йæ постытæй иуæй-иутыл фæсмон кæны.

Маск социалон хызæгты куыд фыссы, афтæмæй фыстæгтæ уыдысты æгæр бирæ.

«Ивгъуыд къуыри Дональд Трампы тыххæй цы фыстæгтæ ныффыстон, уыдонæй иуæй-иутæ фæсмон кæнын. Уыдон уыдысты æгæр бирæ» – ныффыста Маск социалон хызæгты.

Уæ информацийæн, Элон Маск æмæ Дональд Трампы æхсæн æнæразыдзинад уый фæстæ райдыдта, Дональд Трамп бюджеты закъонопроектæн йæ фарсыл куы рахæцыд. Закъонопроект йæ зæрдыл дары 2017 азы Дональд Трампы фыццаг администрацийы рæстæджы райсгæ хъалонты æнцойад адарддæр кæнын, афтæ ма хъахъхъæнынады æмæ æнæдокументон мигрантты массон депортацийы æфтауц финанскæнынад. Уый ма нысан кæны паддзахадон хæсы арæн цыппар триллион доллары онг фæфылдæр кæнын.

Маск закъоныпроект схуыдта «æлгъаг æлгъагдзинад» æмæ загъта, зæгъгæ, уый бæстæйыл æвæрдзæн «æвирхъау хæс». Илон Маск ивгъуыд мæйы ныууагъта АИШ-ы хицауады эффективондзинады департаменты къухдариуæггæнæджы бынат. Маск 129 боны дæргъы разамынд лæвæрдта хайадæн, кæцы арæзт æрцыд хæрдзтæ фæкъаддæр кæныны тыххæй.

Уымæй уæлдай ма, Маск загъта, зæгъгæ, Дональд Трампы ном ис Джеффри Эпштейны хъуыддаджы æрмæгты, кæцыйы аххосджын кæнынц æнахъомты сексуалон базарады, уый тыххæй дæр ацы документтæ æхсæнадæн нæ хъусын кæнынц.