Мæлæтæй тæрсын у хауд адæймаджы миниуæг, уымæ гæсгæ агуырдта æмæ дарддæр дæр агуырдта йæ цард адарддæр кæныны мадзæлттæ, æрхъуыды кæны алыхуызон мадзæлттæ, цæмæй сæвзæра хæрзиуæджы иллюзи, фæлæ дзæгъæлы, — уый тыххæй дзырдæуы Æппæт Гуырдзыстоны Каталикос-Патриарх Илья II-ы Ногбоны фыстæг.

Фыстæджы куыд фыст ис, афтæмæй æппæт уыдæттæ свæййынц стырдæр рæдыдтыты аххосаг æмæ «арфдæр кæнынц, ныридæгæн нæм цы монон кризис ис, уый».

«Ахæм адæймаг нæ æмбары, мæлæты тас æцæгæйдæр тæригъæдтæй кæй цæуы, тæригъæды цагъар уд æнæбары тæрсы Хуыцауимæ фембæлдæй æмæ уымæ гæсгæ æнкъуысы; Фæлæ æвзæрдзинæдтæй фервæзын æмæ йæ уд ссыгъдæг кæныны бæсты арæх бахауы нигилизммæ æмæ æмбæхсы атеизмы (кæд æмæ æнæууæнкдзинадæн бирæ æндæр аххосæгтæ ис, уæддæр).

Ахæм адæймæгтæн цард у райгуырдæй мæлæтмæ, æмæ сын мæлæтимæ алцыдæр фæвæййы. Уымæ гæсгæ сæм афтæ кæсы, æмæ фыдбылыз, хæларзæрдæдзинад, мæнгарддзинад, иузæрдиондзинад, хæлæгдзинад, уарзондзинад, æнæгъдаудзинад… сты нормалон адæймаджы æнкъарæнтæ æмæ нæдæр бæлвырд адæймаджы раз, нæдæр Хуыцауы раз ницы бæрндзинад æнкъарынц, уымæн æмæ æрдзон цард, уыдон нæ æууæндынц æнусон аргъдзинæдтыл», – зæгъы Илья II Ногбоны фыстæджы.