Гуырдзыстоны раздæры премьер-министр Ираклий Гъарибашвилиимæ æфхæрд æрцыд æфхæрды бадзырдыл, кæцымæ гæсгæ йын стæрхон кодтой фондз азы ахæстоны фæбадын – уый фæдыл информацийы хъусын кæны Гуырдзыстоны прокуратурæ.

Сæ ныхасмæ гæсгæ, уæлæмхасæн æфхæрдæй иу милуан ларийы иваргонд æрцыд Ираклий Гарибашвили дæр.

«Гуырдзыстоны прокуратурæ азымгонд Ираклий Гарибашвилиимæ бафыста æрфæсмонгæнæн бадзырд, кæцымæ гæсгæ, раздæры премьер-министрæн Гуырдзыстоны уголовон кодексы 194-æм статьяйы 3-æм хайы нысангонд фыдракæнды тыххæй 5 азы ахæстоны фæбадын стæрхон кодтой.

Уымæй дарддæр ма, уæлæмхасæн æфхæрды хуызы сфидар кодтой иу милуан ларийы бæрц ивар. Уый ма æнæхай фæуыдзæн паддзахады æфтиæгтæй фыдгæнæг архайдæй æмæ йæ цæрæнбынаты басгæрсты рæстæджы цы æхца ист æрцыд, уыдонæй.

Гъарибашвили Ираклий йæхи нымайы фыдракæндыл, кæцы сарæзта æмæ сразы ис æфхæрды бадзырды уавæртимæ. Тæрхондон ныридæгæн сæххæст кодта прокуратурæйы æркуырд æфхæрд райсыны тыххæй» – ис фыст прокуратурæйы расидæны.

Уымæй уæлдай ма, куыд зындгонд у, афтæмæй Тбилисы горæтон тæрхондон 24-æм октябры Гуырдзыстоны раздæры премьер-министр Ираклий Гарибашвилийæн превенцион мадзалæй снысан кодта иу милуан ларийы æфстау, уæлдай стыр суммæйæ æнæзаконон æфтиæгты легализацийы цауы.

Зæрдыл уын æрлæууын кæндзыстæм, 22-æм октябры паддзахадон антикоррупцион агентады брифингыл банысан ис, цæмæй раздæры премьер-министр Ираклий Гъарибашвилиимæ антикоррупцион агентад интервью райста, кæцы æххæстæй æмгуыст кодта фæдагуырдимæ æмæ басаст, цæмæй æнæзаконон æфтиæгтæ иста бирæ азты дæргъы.

Гъарибашвили Ираклий Гуырдзыстоны уголовон кодексы 194-æм статьяйы 3-æм хайы дæлпункт «г»-мæ гæсгæ аххосджынгонд æрцыд, кæцы æнæзакъонон æфтиæгты легализацимæ хауы, кæцыимæ иумæ уæлдай стыр æфтиагы райст ис.