Гуырдзыстоны хæдбардзинады бон æнæхъæн бæстæйы масштабæй æндæр æмæ æндæр мадзæлттæй нысан цæуы, кæцыты организаци кæны хицауады администраци.

Тбилисы Сæрибары фæзуатыл райсомæй фæстæмæ æрсиддонтæн традицион ардбахæрды церемони уагъд æрцæудзæн.

Гуырдзыстоны хицауады администрацийы информацимæ гæсгæ, ацы аз Гуырдзыстоны хæдбардзинады бон нысангæнæг мадзæлттæ, чырыстон дины паддзахадон дины расидыны 1700 азы сæрмæ баст концепцийыл бындурæвæрд сты: 1700 азы уырнындзинад нæ фидар кæны – уарзондзинад нæ иу кæны.

Сæ ныхасмæ гæсгæ, снысангонд датæйы ардбахæрды церемони уыдзæн сеппæтæй стырдæр ацы азы æмæ фыццаг хатт æрсиддонтæ ард бахæрдзысты Тбилисы æмæ Гуырдзыстоны 12 регионы рагондæр чырыстон аргъуанты æмæ моладзандоны цур.

«Сæйраг сахары, Орбелианийы фæзуат æмæ Александры цæхæрадон æнæхъæн боны дæргъы культурон, спортивон, ирхæфсæн æмæ сывæллæтты мадзæлттæ сырæздзæн.Паралелонæй, бæрæгбонон мадзæлттæ уагъд цæудзысты регионты централон фæзуаттыл.

17:10 сахатыл хæдбардзинады расидыны историон момент æнæхъæн бæстæйы масштабæй банысан кæндзысты паддзахадон гимны сæххæстæй. Хæдбардзинады бæрæгбоны мадзæлттæ æнæхъæн бæстæйы масштабæй гала-концерттæй фæуыдзысты.

«26-æм майы, Тбилисы, бæрæгбонон мадзæлттæ сырæздзысты Атонелийы уынгыл, Александры цæхæрадоны, Хазинийы æмæ Пховы, Пурцеладзейы æмæ Векуайы уынгты, афтæ дæр алфæмблайы районты» – ис фыст Гуырдзыстоны хицауады администрацийы расидæны.